ورتالىقتى حالىقارالىق اۋەجايمەن جانە قالاعا جاقىن ورنالاسقان ەلدى مەكەندەرمەنى بايلانىستىراتىن جول تورابىندا كولىك قوزعالىس قوزعالىسى جۇرگىزۋشىلەردىڭ قولايسىزدىق تۋعىزىپ كەلگەن-ءدى. ەندىگى كەزەكتە كىشى كولىك اينالىمىنىڭ ماڭىزدى بولىگى بولىپ تابىلاتىن جولايرىعى ىسكە قوسىلعان كەزدە ۋچاسكەدەگى كولىك قوزعالىسى ورتاشا ەسەپپەن العاندا 15 پايىزعا ارتاتىندىعىن ايتادى ماماندار.
«ءبىز كولىك ينفراقۇرىلىمىن دامىتۋدامىز, ونىڭ ىشىندە جۇرگىزۋشىلەرگە دە جاقسى جاعداي جاساۋدامىز. الماتىعا ءوزىنىڭ سوڭعى جۇمىس ساپارى كەزىندە مەملەكەت باسشىسى ۇكىمەتكە قاجەتتى قارجى ءبولۋدى تاپسىرعان ەدى. قازىرگى كەزدە قالادا مەترونىڭ ەكى بەكەتىنىڭ, ەكى كولىك جولايرىعىنىڭ قۇرىلىستارى, اباي داڭعىلى مەن سايىن كوشەسىن ۇڭعۋ جۇمىستارى جۇرگىزىلۋدە. بيىل قۇلجا تراكتى مەن بۇحتىرما كوشەسى بويىنداعى اينالىمدا ەستاكادا مەن توننەلى بار تاعى ءبىر جولايرىعىنىڭ قۇرىلىسى باستالادى. بۇل قالالىقتاردىڭ موبيلدىلىگىن كۇشەيتەدى, بيزنەس-كەدەرگىلەردى ازايتادى, وسى باعىتتاعى كولىك كەپتەلىسىن تومەندەتەدى جانە قالانىڭ ەكولوگيالىق جۇكتەمەسىن جاقسارتادى», - دەپ اتاپ ءوتتى باۋىرجان بايبەك.
جاڭادان ىسكە قوسىلعان ەكى دەڭگەيلى جولايرىعى قاۋىپسىزدىك پەن سەيميكالىقتىڭ جوعارى ستاندارتتارعا ساي. قۇرىلىس بارىسىندا الماتىلىق وندىرۋشىلەر شىعارعان 100 مىڭ تەكشە مەتردەن استام بەتون مەن مەتاللوكونسترۋكتسيالار پايدالانىلدى. ءتورت جۇزدەي جۇمىس ورنى قۇرىلىپ, بيۋدجەتكە سالىق تۇرىندە 4 ملرد. تەڭگە تۇسكەن.
قازىرگى كەزدە ينجەنەرلىك جەلىلەردى ىسكە قوسۋ مەن كوگالداندىرۋ جۇمىستارى جالعاسۋدا.
