اقش-تىڭ نيۋ-يورك قالاسىنداعى تايمس-سكۆەر الاڭىندا وتكەن اشىق جاتتىعۋعا گولوۆكيننەن بولەك, بوكس كەشىنىڭ اندەركاردىندا جۇدىرىقتاساتىن وتانداسىمىز ءالي احمەدوۆ جانە تاعى ءبىر جەرلەسىمىز باقتيار ەيۋبوۆتىڭ قارسىلاسى برايان سەبالو قاتىستى. اشىق جاتتىعۋدان كەيىن بوكسشىلار جانكۇيەرلەرمەن بىرگە فوتوسەسسيا جاساپ, قولتاڭبا قويىلعان ەستەلىك بۇيىمداردى دا سىيعا تارتتى. سونداي-اق گولوۆكين اقش-تاعى قازاقستاندىق جانكۇيەرگە تەگىن بيلەت سىيلادى.
ايتا كەتەيىك, گەننادي گولوۆكين مەن ستيۆ روللس اراسىنداعى ايقاس 9 ماۋسىمدا اقش-تىڭ نيۋ-يورك قالاسىنداعى Madison Square Garden ارەناسىندا وتەدى. كەزدەسۋ 12 راۋندقا جوسپارلانعان.
