ۇجىمنىڭ تاريحى 1964 جىلدان باستالدى. ول كەزدە جاس قالاعا كەڭەس وداعىنىڭ ءتۇرلى بولىكتەرىنەن كەلگەن جاس ماماندار وزدەرىنىڭ ۇلتتىق اندەرىن, مۋزىكاسىن جانە بيلەرىن اكەلدى.
انسامبلدە ۇلكەن شىعارماشىلىق ءومىربايان
بار. بي توبىنىڭ ءبىرىنشى جەتەكشىلەرى ۆالەري دجانجوليا, ولەگ بەكوەۆ, ۆيكتور بوچارنيكوۆ,
اليك دۋمانوۆسكي, يۋري وسوكين, ۆياچەسلاۆ ميتروفانوۆ, ليديا مەيدەر بولىپ كەلدى. 1996
جىلدان قازىرگى ۋاقىتقا دەيىن انسامبلدى تامارا يۆانوۆنا دۋمانوۆسكايا باسقارادى. ول
بۇل سالادا كوپتەگەن ۇرپاقتار لەگىن
تاربيەلەپ شىعاردى. 1981 جىلى انسامبلگە جەمىستى ەڭبەگى ءۇشىن «حالىقتىق» اتاعى
بەرىلدى.
«التاير» ءانسامبلى كوپتەگەن كونكۋرستار مەن فەستيۆالدەردىڭ لاۋرەاتى. ءانسامبلدىڭ رەپەرتۋارىندا تمد جانە الەمنىڭ ءارتۇرلى ەلدەرىنىڭ بيلەرى بار.
- بي ارقىلى ءار حالىقتىڭ تابيعاتىن, مىنەزىن تانىپ, بىلۋگە بولادى. بۇل بىزگە ەلىمىزدە تۇراتىن ءتۇرلى ۇلتتىڭ مادەنيەتىمەن جاقىنىراق تانىسۋعا مۇمكىندىك بەرەدى. ءبىزدىڭ ۇجىمدى قازاقستان حالقى اسسامبلەياسىنىڭ شاعىن كوشىرمەسى دەۋگە بولادى. ۋكرايندەر وزبەكتىڭ, كارىستەر تاتاردىڭ ءبيىن جوعارى شەبەرلىكپەن ورىنداي الادى. انسامبل ءبىزدىڭ قالامىزدىڭ كوپتەگەن كونتسەرتتەرى مەن مەرەكەلەرىنىڭ قاتىسۋشىسى, سونداي-اق جىل سايىنعى رەسپۋبليكالىق بايقاۋىنا قاتىسادى, دەيدى ۇجىم جەتەكشىسى.
كوپ جىلدار بويى انسامبل اۋدان مەن وبلىستىڭ بارلىق كەنتتەرىن كونتسەرتتەرمەن ارالاپ قايتتى.
انسامبل رەپەرتۋارىندا 30-دان استام الەم حالىقتارىنىڭ ءبيى, قازىرگى زامانعى, سيۋجەتتىك بي, حوەوگرافيالىق سۋرەتتەر بار. انسامبل بىرنەشە رەت وبلىستىق ساحنادا ونەر كورسەتىپ, وبلىستىق بايقاۋدىڭ قورىتىندى كونتسەرتتەرىنە قاتىستى. حالىقارالىق, رەسپۋبليكالىق, وبلىستىق فەستيۆالدەر مەن كونكۋرستاردىڭ لاۋرەاتى جانە ديپلومانتى.
55 جىل بويى «التاير» حالىقتىق بي ءانسامبلى ەڭ تۇراقتى, ەڭ جارقىن ۇجىم بولىپ تابىلادى. مەرەيتويلىق كونتسەرتتە ماڭعىستاۋ وبلىسى قازاقستان حالقى اسسامبلەياسى حاتشىلىعىنىڭ مەڭگەرۋشىسى گ.يسمۋرزينا ماڭعىستاۋ وبلىسى قازاقستان حالقى اسسامبلەياسىنىڭ توراعاسى ە. توعجانوۆتىڭ اتىنان قۇتتىقتاپ, العىس حاتىن تارتۋ ەتتى.
ماڭعىستاۋ وبلىسى مادەنيەت باسقارماسى باستىعىنىڭ ورىنباسارى ا.نۇرداۋلەتوۆ ت.دۋمانوۆسكايانى مادەنيەت سالاسىنىڭ دامۋىنا ەرەكشە ۇلەس قوسقان, ەلدىڭ مادەنيەتىن دامىتۋداعى ۇزاق جىلعى ەڭبەگى مەن جەكە ۇلەسى, مادەنيەت سالاسىن جەتىلدىرۋگە بەلسەنە قاتىسقانى, مادەنيەت جۇيەسىندە يننوۆاتسيالىق قىزمەتى ءۇشىن «مادەنيەت سالاسىنىڭ ۇزدىگى» توسبەلگىسىمەن ماراپاتتادى.
ۋكراين ەتنومادەني بىرلەستىگىنىڭ ءتورايىمى تاتيانا لەسنيچەنكو ۋكراينانىڭ قازاقستانداعى ەلشىسىنەن تامارا دۋمانوۆسكاياعا قۇتتىقتاۋ حاتىن تابىس ەتتى.
كونتسەرتتىڭ باعدارلاماسىندا كورەرمەندەر ۋكراينالىق گوپاك, ورىس ءبيى «بەرەزكا», پوللەسكايا كادريل اتتى ادەمى بيلەردىڭ كالەيدوسكوپىن كوردى. قىرعىز, ۋكراين, تاتار جانە بەلورۋس بيلەرى سىعاندار, مولدوۆا جانە كاۆكاز بيلەرىن اسقان شەبەرلىكپەن ورىنداپ, كورەرمەندەردىن زور ىقىلاسىنا يە بولدى.
