كوزدىڭ جاۋىن الاتىن كوركەم تۋىندىلاردى ءبىر قاراعان ادام بالانىڭ قولىنان شىققان شىعارما دەپ مۇلدە ويلامايدى. ايتار ويلارى تەرەڭ, قىلقالامدارى توسەلگەن كانىگى شەبەر قولداردان شىققان شىنايى تۋىندىلار. كورمەنى ارالاي ءجۇرىپ بايقاعانىمىزداي, قازىرگى جاس ۇرپاق ومىرگە بىرنەشە راكۋرستان قاراي الاتىندىعىنا تاڭداناسىڭ. ماسەلەن, ءبىر عانا نۇرسەيىت التىناراي ەسىمدى 10 جاسار سۋرەتشىنىڭ «المۇرت» اتتى تۋىندىسى ءبىزدى ءبىراز ويعا جەتەلەدى. بالدىرعان سۋرەتشى سول المۇرتتىڭ ىشىنە المۇرت اعاشىنىڭ سۋرەتىن سىيعىزعان. بۇل نەنى اڭعارتادى؟ جالقى ارقىلى جالپىعا ءۇڭىلۋ – تەرەڭ پايىم دەگەنگە سايادى.
كورمەگە قوناق بولىپ كەلگەن قازاقستان سۋرەتشىلەر وداعىنىڭ مۇشەسى ەركىنبەك ەسىموۆ تە وسى ويلارىمىزدى قۋاتتادى. «بالالاردىڭ قولىنان شىققان كارتينالار شىنايىلىعىمەن قۇندى دەۋگە بولادى. ولار ءوز قيالدارىندا تابيعاتتى, جان-جانۋارلار الەمىن, ءتىپتى ادام پسيحولوگياسىنىڭ ءوزىن ءدال سۋرەتتەيدى. ءوز جۇمىستارىنا بەيجاي قارامايتىندىقتارى ولاردى ۇلكەن جەتىستىكتەرگە جەتەلەيدى», دەدى سۋرەتشى ە.ەسىموۆ.
