جوعارىداعى ەلباسى تاپسىرماسىن ورىنداۋ بارىسىندا جاۋاپتى مينيسترلىك تاراپىنان بىرقاتار جاقسى قادامدار جاسالىپتى. اتاپ ايتقاندا, وتكەن جىلى قازاقستان رەسپۋبليكاسى ۇكىمەتىنىڭ جانىنداعى رەسپۋبليكالىق تەرمينولوگيا كوميسسياسى بۇرىن بەكىتىلگەن تەرميندەردى قايتا قاراپ, جاسالۋ جانە اۋدارۋ تۇرعىسىنان تولىق لينگۆيستيكالىق ساراپتاما جاساپتى. ناتيجەسىندە, تەرمينجاسامنىڭ عىلىمي قاعيداتتارى, ۇلتتىق تەرمينولوگيالىق قور, قازاق ءتىلىنىڭ لاتىن گرافيكاسىنا كوشىرىلۋىنە بايلانىستى تۋىندايتىن تەرمينولوگيالىق مىندەتتەر, تۇراقتى جانە جالپىعا بىردەي تانىلعان تەرميندەر مەن ۇعىمداردى قازاق تىلىنە اۋدارۋدى شەكتەۋ, كەيبىر ءساتسىز بالامالاردى تۇپنۇسقامەن ءسايكەستەندىرۋ ماسەلەلەرى قاراستىرىلىپ, تۇتاستاي العاندا ۇلتتىق تەرمينولوگيا سالاسىنىڭ ىلگەرىلەۋىنە ەلەۋلى ىقپال ەتكەن ەكەن.
ال بۇل رەتكى ۇيىمداستىرىلىپ وتىرعان سەميناردا, جوعارىدا اتقارىلعان ىستەردى تياناقتاۋمەن قاتار, قازاقستان رەسپۋبليكاسىندا تىلدەردى قولدانۋ مەن دامىتۋدىڭ 2011-2019 جىلدارعا ارنالعان مەملەكەتتىك باعدارلاماسىن ىسكە اسىرۋ ماقساتىندا سالالىق تەرميندەردى بىرىزدەندىرۋ جانە ۇلتتىق تەرمينقورىمىزدى جەتىلدىرۋ جايى تالقىلاندى. سونداي-اق قازاق ءتىلىن عىلىم ءتىلى رەتىندە دامىتۋ جولى, جاڭا لاتىن ءالىپبيى نەگىزىندە تەرميندەردى دۇرىس تاڭبالاۋ ماسەلەسى دە باسقوسۋدىڭ باستى تاقىرىبىنا اينالدى.
كەلەسى كەزەكتە مىنبەگە كوتەرىلگەن ۇلتتىق اۋدارما بيۋروسىنىڭ باس رەداكتورى مۇحتار سەڭگىرباي ۇلى, ءوزى قىزمەت جاساپ وتىرعان اۋدارما بيۋروسىنىڭ عىلىمي اۋدارما ءتاجىريبەسىنەن مىسالدار كەلتىرە وتىرىپ, اۋدارما سالاسىنداعى قوردالانعان ماسەلەلەرگە نازار اۋدارسا, گەوگرافيا عىلىمدارىنىڭ دوكتورى قۋات ساپاروۆ گەوگرافيا عىلىمىن مەملەكەتتىك تىلدە تەرميندەندىرۋدىڭ جولدارىن ۇسىندى.
ۇلتتىق كوميسسيا جانىنداعى تەرمينولوگيالىق جۇمىس توبىنىڭ مۇشەسى, فيلولوگيا عىلىمدارىنىڭ دوكتورى قارلىعاش جامالبەكقىزى سالالىق سەكتسيالاردىڭ قۇرامى مەن قۇرىلىم ماسەلەلەرىنە توقتالسا, قورعانىس مينيسترلىگى اكىمشىلىك دەپارتامەنتى مەملەكەتتىك ءتىلدى دامىتۋ باسقارماسىنىڭ باستىعى اينۇر ورازعاليەۆا, دەنساۋلىق ساقتاۋ مينيسترلىگى مەملەكەتتىك ءتىلدى دامىتۋ باسقارماسىنىڭ ساراپشىسى ايجان الدوڭعاروۆالار ءوز مينيسترلىكتەرىندەگى سالالىق تەرمينولوگيالىق كوميسسياسىنىڭ جۇمىسى, بانك, قارجى, ءتىل ءبىلىمى سالالارىنداعى تەرميندەر ءبىرىزدىلىگى جانە ولاردى جاڭا كەزەڭگە سايكەس جانداندىرۋ جايىن قوزعادى.
