شىعىس قازاقستان وبلىسىنىڭ اكىمى دانيال احمەتوۆ ارنايى كەلىپ, ورتالىق الاڭدا بالالارعا قۇتتىقتاۋىن, يگى تىلەگىن جەتكىزدى. وبلىس اكىمى دانيال احمەتوۆ كوپ بالالى انالارعا بالالارىن جازعى مەزگىلدە ساۋىقتىرۋ ءۇشىن لاگەرلەرگە تەگىن سەرتيفيكاتتار تابىس ەتتى. جانە 4 جاسار بالانى قۇتقارعان 8 جاسار ۆيكتور نوۆوسەلوۆكە قر ءبىلىم جانە عىلىم مينيسترلىگىنەن ماراپات قاعاز بەن جازعى دەمالىسى ءۇشىن لاگەرگە سەرتيفيكات تابىس ەتتى.
حالىقارالىق بالالاردى قورعاۋ كۇنىندە قالا بويىنشا 10-نان استام مەرەكەلىك الاڭ جۇمىس ىستەپ تۇردى. قالاداعى اباي اتىنداعى جانە ف. دوستوەۆسكي اتىنداعى دراما تەاترلاردا «قاڭباق» جانە «جيلا-بىلا سىروەجكا» اتتى ەرتەگى قويىلىمدار قويىلدى. وعان الەۋمەتتىك از قامتىلعان وتباسىلارىنىڭ 500 بالاسى جانە مۇمكىندىگى شەكتەۋلى 200 بالا تەگىن باردى.
ارنايى الەۋمەتتىك كومەك كورسەتۋ ورتالىعى دا وزدەرىنىڭ قاراماعىنداعى بالالار ءۇشىن مەرەكە ۇيىمداستىرىپتى. بۇل كۇنى كوپتەگەن ورىنداردا بالالار ءۇيىنىڭ بالالارى, جەتىم جانە اتا-اناسىنىڭ قامقورلىعىنسىز قالعان بالالار ءۇشىن قايىرىمدىلىق شارالارى دا مولىنان ءوتتى.
اسىرەسە, بالالار دەمالۋدى باستاعان مەكتەپ جانىنداعى لاگەرلەر, سپورت مەكتەپتەرى مەن بالالاردىڭ بيولوگيالىق ورتالىعىندا مەرەكەلىك ءىس-شارالار ۇيىمداستىرىلدى. سپيدكۋبينگ بويىنشا قالا قۇراما كومانداسى وسى ويىن تاقتاسىنا قاتىسامىن دەگەندەرگە شەبەرلىك ساعاتتارىن كورسەتتى. بالالاردىڭ جانە جاستاردىڭ ورتالىق الاڭدا وتكەن مۋزىكالىق پارادتارى اركىمدى بولسىن تاڭعالدىردى. ءار مۋزىكالىق ۇجىم وزدەرىنىڭ جەتكەن جەتىستىكتەرى مەن تابىستارىن پاش ەتتى. شەرۋگە كوللەدجدەر مەن مەكتەپ وقۋشىلارى قاتىستى. شەرۋ بىرنەشە بولىمنەن تۇردى, اتاپ ايتقاندا پاتريوتتىق, شىعارماشىل-مەكتەپ, سپورتتىق جانە ورتا ارنايى دەپ اتالدى.
- شەرۋدىڭ ماقساتى – بۇل «ماڭگىلىك ەل» جالپى ۇلتتىق يدەيانى ىسكە اسىرۋ جاعدايلارىندا مەكتەپ وقۋشىلارى مەن ستۋدەنتتەرىنىڭ ەستەتيكالىق جانە پاتريوتتىق تاربيەسىن دامىتۋ,-دەدى سەمەي قالالىق ءبىلىم ءبولىمىنڭ باستعى نااليا فەسەنكو,-بۇل قازاقستان رەسپۋبليكاسىنىڭ ءبىلىم جانە عىلىم مينيسترلىگىنىڭ باستاماسى بويىنشا قاتارىنان ەكىنشى جىل وتكىزىلىپ وتىر.
شەرۋ مىندەتتەرىنە توقتالسا, تەك بالالار مەن جاستاردىڭ مۋزىكالىق مادەنيەتىن ارتتىرىپ قويۋ عانا ەمەس, سونىمەن قاتار, ءوزىنىڭ ءبىلىم بەرۋ ۇيىمىنا دەگەن ماقتانىشى مەن تيىستىلىك سەزىمىن قالىپتاستىرۋ ەكەن. جانە رەسپۋبليكانىڭ وقۋ ورىندارىنىڭ مارتەبەسىن كوتەرۋ جانە جارنامالاۋ بولىپ تابىلادى. شەرۋ بۇل ءبىزدىڭ ەلىمىزدىڭ بارلىق ءبىلىم بەرۋ ۇيىمدارىن بىرىكتىرەتىن كەڭ اۋقىمدى رەسپۋبليكالىق اكتسيا, دەپ ءتۇسىندىردى ن. فەسەنكو.
قالانىڭ جالپى ورتا ءبىلىم بەرەتىن مەكتەپتەرى, كوللەدجدەرى مەن قوسىمشا ءبىلىم بەرەتىن مەكەمەلەرى شەرۋگە وراي دابىلشىلار وتريادىن, انسامبلدەردى, ماجورەتكالاردى, چەرليديرلەردى, حور, بي ۇجىمدارىن دايىنداپتى. شاراعا بارلىعى 50 مەكتەپ, 7 ۇيىم جانە كوللەدج قاتىستى.
شەرۋدەن كەيىن بالالار ەرتىس وزەنى جاعالاۋىنا شىعىپ, سول جەردەگى ويىندارعا, سپورتتىق شارالارعا بەلسەنە اتسالىستى. ەرتىس وزەنىنىڭ جاعالاۋىندا «نۇرلى بولاشاق» رەسپۋبليكالىق اكتسياسى اياسىندا بالالارعا ارنالىپ وتكىزىلەتىن مەرەكە باستالدى. بالدىرعاندار ۇلتتىق ويىندارعا قاتىسىپ, ارقان تارتتى. جانە بالالاردى قورعاۋ كۇنىنە وراي ەڭ ۇزاق سۋرەت سالىپ, ونى قازاقستان تاريحىنا, بەيبىت ومىرىنە ارنادى.
راۋشان نۇعمانبەكوۆا
«ەgemen Qazaqstan»
