تاريحي ەرەكشەلىكتەرىنە قاراي ەجەلگى ساۋلەتتىك ەسكەرتكىشتەردى ساقتاپ قالۋ ماقساتىندا قالا ىرگەسىندە ورنالاسقان كيەلى ورىندار - يبراگيم اتا, قاراشاش انا كەسەنەلەرىنىڭ اۋماعىندا كورىكتەندىرۋ جۇمىستارى جۇرگىزىلدى.
سونداي-اق, «قوشقار اتا» جوباسى بويىنشا جەرگىلىكتى بيلىك تاراپىنان قوشقار اتا وزەنىنىڭ جاعالاۋى اباتتاندىرىلىپ, قالانىڭ تاريحي دامۋ كەزەڭىن قازىرگى ۋاقىتپەن ۇشتاستىراتىن زاماناۋي قالاشىق جانە تۋريستىك ايماق رەتىندە دامىتۋ جوباسى جۇزەگە اسىرىلۋدا.
قۋانتارلىعى, قالاداعى ەسكى قالاشىقتى (تسيتادەل) يۋنەسكو-نىڭ الەمدىك مادەني مۇرالار تىزىمىنە ەنگىزۋدىڭ نوميناتسيالىق دەرەكتەمەسى دايىندالدى. قالاشىقتى اشىق اسپان استىنداعى مۇراجاي رەتىندە قۇرۋ بويىنشا جسق دايىنداۋعا 2017-2019 جىلدارى قارجى قارالىپ, يگەرىلگەن. بۇگىندە مۇندا رەستاۆراتسيا, كونسەرۆاتسيا جۇمىستارى جۇرگىزىلۋدە.
