وبلىستا العاش رەت ۇيىمداستىرىلىپ وتىرعان سلەتتىڭ وتۋىنە قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتى جانە وبلىستىق جاستار ساياساتى ماسەلەلەرى باسقارماسى ۇيىتقى بولدى.
«سلەتتىڭ باستى ماقساتى – قوعامدا ادالدىق, شىنشىلدىق, يگىلىك سىندى قۇندىلىقتاردى قالىپتاستىرۋعا, قوعامدىق سانانى تاربيەلەۋگە جاستاردى كەڭىنەن تارتۋ. سىبايلاس جەمقورلىقتىڭ الدىن الۋ شارالارى ادامزاتتىڭ وسىنداي ىزگى قۇندىلىقتارىن دارىپتەۋگە, ناسيحاتتاۋعا باعىتتالۋى ءتيىس. ءبىز, بۇل باعىتتاعى جۇمىستارعا جاستاردىڭ الەۋەتىن پايدالانۋىمىز كەرەك», - دەدى دەپارتامەنت باسشىسى ابزال مۇحيموۆ.
وبلىستىڭ بارلىق اۋداندارى مەن شالعاي اۋىلدارىنان دا دەلەگاتتار قاتىسقان سلەتتىڭ سالتاناتتى جيىنىندا اگەنتتىكتىڭ قىزىلوردا وبلىسى بويىنشا دەپارتامەنتى جانىنان«جەمقورلىقتى جويامىز» ۇرانىمەن «جاستار قوزعالىسى» جاستار قاناتى قۇرىلدى.
«جاستار قوزعالىسى» جاستار قاناتىنىڭ ماقساتى - تۇرمىستىق جەمقورلىقتى جويۋعا اتسالىسۋ, كەز-كەلگەن سىبايلاس جەمقورلىق تاۋەكەلدەرىنە توزبەۋشىلىك قاعيداتىن قالىپتاستىرۋ. العاشقى كەزەكتە بەلسەندى جاستار قاتارىنان سپيكەرلەر توبىن قۇرىپ, جوعارى وقۋ ورىندارى مەن كوللەدج ستۋدەنتتەرى اراسىندا تۇسىندىرمە جۇمىستارىن جۇرگىزەمىز», - دەيدى «نۇر وتان» پارتياسى جانىنداعى «جاس وتان» جاستار قاناتى وبلىستىق فيليالىنىڭ توراعاسى تالعات تىلەس.
