حالىق زيالىلارى جەرلەنگەن مەموريالدى كەشەندە وتكەن شارادا تاعزىم گ ۇلى قويىلدى. قمدب-نىڭ وبلىستاعى وكىلى, ورتالىق «اقمەشىت-سىرداريا» مەشىتىنىڭ باس يمامى بولاتبەك قاجى ۇلاسقان ۇلى زۇلمات قۇرباندارىنىڭ رۋحىنا قۇران باعىشتادى. جينالعاندار الاش ارداقتىلارىن ءبىر مينۋت ۇنسىزدىكپەن ەسكە الدى. ميتينگتە وبلىس اكىمى قىرىمبەك كوشەرباەۆ ءسوز سويلەدى.
– بۇگىن – قازاق ەلى ءۇشىن, قازاقستاندىقتار ءۇشىن قاسىرەتتى دە ازالى كۇن. التايدان اتىراۋعا دەيىنگى اتىراپتى الىپ جاتقان كەڭ بايتاق جەردىڭ يەسى بولعان حالقىمىزدىڭ باسىنان قانشاما قاسىرەتتى جىلدار وتسە دە, ءدال وسىنداي اۋىر دا ازاپتىسى بولماعان شىعار. 1992 جىلى وسى ماسەلەنى ارنايى زەرتتەگەن قازاقستان رەسپۋبليكاسىنىڭ جوعارعى كەڭەسى تورالقاسىنىڭ كوميسسياسى «قازاق ەلى اشتىقتان جانە سوعان بايلانىستى ىندەتتەردەن, سونداي-اق, تابيعي ءولىم دەڭگەيىنىڭ ۇدايى جوعارى بولۋىنان 2 ملن 200 مىڭ ادامنان, ياعني بارلىق قازاق حالقىنىڭ 48 پروتسەنتىنەن ايىرىلدى» دەگەن قورىتىندى شىعاردى. اشتىقتان, نەگىزىنەن, جاس بالالار مەن ايەلدەر قىرىلدى. وسى سەبەپتى قازاقتاردىڭ ءوسۋى قاتتى تەجەلدى. كەيىن بۇل اشتىق «قىزىل قىرعىن», «گولوششەكيندىك گەنوتسيد» دەگەن اتاۋعا يە بولدى, – دەدى وبلىس اكىمى.
دەموگراف-عالىمداردىڭ زەرتتەۋىنشە وبلىستىڭ وزىندە 4500 ادام جازىقسىز رەپرەسسياعا ۇشىراپ, سوتتالعان ەكەن. ولاردىڭ 1153-ءى اتۋ جازاسىنا كەسىلگەن. قازاقستانعا وزگە مەملەكەتتەردەن مىڭداعان ادام جەر اۋدارىلعان. ولاردا زۇلمات جىلداردىڭ ازابىن قازاقتارمەن بىرگە تارتتى.
ميتينگتە وبلىستىق ارداگەرلەر كەڭەسىنىڭ توراعاسى سەرىك دۇيسەنباەۆ, كورەي ەتنومادەني بىرلەستىگىنىڭ مۇشەسى, دەپورتاتسيا قۇربانىنىڭ ۇرپاعى ۆالەري پاك ءسوز سويلەپ, كەشەگى سۇراپىل كۇندەردى جادىدان شىعارماۋعا, جازىقسىز جازالانعان جانداردى ۇمىتپاۋعا شاقىردى.
