«وسى باستامانىڭ ارقاسىندا 12 ميلليوننان استام باستاۋىش مەكتەپ تۇلەكتەرى, 5 ميلليون ورتا مەكتەپ تۇلەكتەرى جانە 500 000-عا جۋىق كوللەدج تۇلەكتەرى جىل سايىن 175 ميلليون جاڭا اعاش وتىرعىزاتىن بولادى», دەيدى زاڭ اۆتورلارىنىڭ ءبىرى گاري الەحانو.
ونىڭ ايتۋىنشا, ورىنداۋ بارىسى ەشكىمگە قيىندىق تۋعىزبايتىن قاراپايىم مىندەتتىڭ اسەرى كەرەمەت بولماق.
قازىرگى ۋاقىتتا جوبا بويىنشا ساراپتامالىق قورىتىندى دايىندالۋدا. وتىرعىزۋ ءۇشىن ىرىكتەلگەن اعاش تۇرلەرى ءاربىر ناقتى ورىنعا, ونىڭ كليماتى مەن رەلەفىنە سايكەس بولۋى ءتيىس. اعاشتى مانگر توعايلار مەن ورمانداردا, پايدالى قازبالار وندىرەتىن جەرلەردە جانە جەكەلەگەن قالالىق اۋدانداردا, سونداي-اق, قورعالاتىن اۋماقتار مەن اسكەري پوليگونداردا وتىرعىزۋ جوسپارلانۋدا.
قازىرگى جاستاردىڭ ءبىر بۋىنى جالپى العاندا ەلدى 525 ميلليارد اعاشپەن كوگالداندىرادى. ءتىپتى كوشەتتەردىڭ تەك 10%-ى وسكەن جاعدايدىڭ وزىندە, بۇل - 525 ميلليونعا تەڭ.
فيليپپيندەر حح عاسىردا جاسىل جەلەكتىڭ بولماۋىنان قاتتى زارداپ شەكتى. ەگەر بۇرىن ورماندار اۋماقتىڭ 70%-ىن جاپسا, بۇگىنگى تاڭدا بۇل كورسەتكىش 20%-عا دەيىن قىسقاردى. كوپتەگەن جەرگىلىكتى اۋدان مەن اۋىلداردى سۋ تاسقىنى مەن كوشكىندەردەن قورعاۋدا اعاشتىڭ ماڭىزى زور. ال ورماندى زاڭسىز كەسۋ – وزەكتى ەكولوگيالىق پروبلەمانىڭ ءبىرى.
