قالىپتاسقان داستۇرگە سايكەس كونفەرەنتسيا ەكى كۇن بويى وتەدى: العاشقى كۇندى تەوريالىق جانە وزەكتى ماسەلەلەرگە ارناسا, ەكىنشى كۇن تاجىريبەلىك داعدىلاردى دامىتۋدى پىكىر-تالاس وزەگىنە اينالدىرماق. قازاقستان, رەسەي جانە قىرعىزستاننان كەلگەن باق باسشىلارى, جۋرناليستەر مەن بلوگەرلەر كوممۋنيكاتسيالار يندۋسترياسىنداعى داعدارىسقا قارسى تۇرۋ, digital-ترەندتەر, وتكەن جىلدىڭ ەڭ قىزىقتى كەيستەرى سياقتى وزەكتى تاقىرىپتاردى تالقىلىپ جاتىر. «ءبىز سىزدەرمەن الماتى قالاسىندا قاۋىشىپ وتىرعانىمىزعا قۋانىشتىمىز. ءبىزدىڭ جىل سايىنعى كونفەرەنتسيامىز تەك قازاقستاندا عانا ەمەس, جالپى ورتالىق ازيا ايماعىنىڭ كوممۋنيكاتسيا سالاسىنىڭ باستى وقيعاسىنا اينالادى دەپ ۇمىتتەنەمىن. وسى جىلدار ىشىندە فورۋم تەك كاسىبي مامانداردىڭ ورتاسى ەمەس, وتاندىق ماماندارعا ءوز تاجىريبەسىمەن ءبولىسىپ, نارىقتاعى جاھاندىق ترەندتەر جايلى اقپارات الۋعا, كاسىبىمىزدىڭ بەدەلىن كوتەرۋگە مۇمكىندىك بەرەدى» دەدى قازاقستان ءباسپاسوز كلۋبىنىڭ پرەزيدەنتى اسەل كاراۋىلوۆا.
وسىمەن ون بەسىنشى رەت وتكىزىلىپ وتىرعان فورۋم قازىرگى ۋاقىتتاعى ەڭ وزەكتى ترەندتەردى انىقتاۋدى داستۇرگە اينالدىرعان. بيىلعى فورۋم «ترانزيتتىك كوممۋنيكاتسيا – الامان بايگە» تاقىرىبىنا اينالىپ وتىر. «سايلاۋ قارساڭىندا» دەپ اتالاتىن پلەنارلى سەسسيا كەزىندە ساراپشىلار مەن سپيكەرلەر ۇمىتكەرلەردىڭ سايلاۋالدى تۇعىرناماسىنا تالداۋ جۇرگىزدى: حالىقپەن جۇمىس جاساۋ, اقپاراتتىق كوممۋنيكاتسيالاردى پايدالانۋ دەڭگەيىنە دە كوڭىل ءبولدى. «قازاقستان بلوگ سالاسىنداعى «تاقتار تالاسى»: الەۋمەتتىك جەلىنىڭ تەمىر تاعىنا كىم وتىرماق» تاقىرىبىنا ارنالعان سەسسيادا ينفليۋەنسەر مەن حالىقارالىق ترەندتتەر جانە قازاقستان نارىعىنا ىقپالى جونىندە ءسوز قوزعادى.
الماتى
