قازاقستان • 30 مامىر، 2019

قىزدار ۋنيۆەرسيتەتىندە «El-ana» جاستار رۋحانيات ورتالىعى اشىلدى

767 رەت كورسەتىلدى

قازاق ۇلتتىق قىزدار پەداگوگيكالىق ۋنيۆەرسيتەتىندە «El-ana» جاستار رۋحانيات جانە ءبىلىم ورتالىعى اشىلدى.

 ورتالىقتىڭ اشىلۋ راسىمىندە «El-ana» ادەبي-تانىمدىق ستۋدەنتتىك الماناعى مەن «ادەبيەتتانۋ عىلىمى جانە ءبىلىم بەرۋ» جيناعىنىڭ تۇساۋى كەسىلىپ، وقىرمانعا جول تارتتى.

 – «El-ana» ادەبي-تانىمدىق ستۋدەنتتىك الماناعى ستۋدەنتتەر شىعارماشىلىعىنا ارنالعان. قازىرگى ءداۋىردىڭ مىڭ-قات زامان باعىتىن ءتۇزۋشى تۇلعا قالىپتاستىرۋدىڭ اۋقىمدى مىندەتتەرىنە از دا بولسا سەپتىگىن تيگىزسەم دەپ اشىلىپ وتىرعان باسىلىمدا بىرنەشە تۇراقتى ايدار بار. قولايىنا قاراي ءتۇرلى جانردا قازىرگى قوعام، ستۋدەنت جاستار ءومىرىنىڭ وزەكتى جايلارىن قامتىپ وتىرماق، – دەپ اتاپ ءوتتى جوبا اۆتورى، قازاق ادەبيەتى كافەدراسىنىڭ پروفەسسورى قانيپاش مادىباەۆا.

ونىڭ ايتۋىنشا، الماناحتا نەگىزىنەن ستۋدەنتتەردىڭ ءتول تۋىندىلارى جاريالانادى. جارىق كورگەن شىعارمالار الدىن الا سارالانىپ بارىپ ۇسىنىلادى.

 ال «ادەبيەتتانۋ عىلىمى جانە ءبىلىم بەرۋ» جيناعى «قازاق ادەبيەتى» ءپانىن وقىتۋ: ابايتانۋدىڭ وزەكتى ماسەلەلەرى» تاقىرىبىندا وتكەن «جوعارى مەكتەپتە «قازاق ادەبيەتتانۋ عىلىمى جانە ءبىلىم بەرۋ» اتتى جوعارى وقۋ ورىندارى ستۋدەنتتەرىنىڭ رەسپۋبليكالىق ءبىلىم سايىسى نەگىزىندە جارىق كورىپ وتىر. جيناق ادەبيەتتانۋشى ماماندارعا، جاس زەرتتەۋشىلەرگە ارنالعان. قازاق ۇلتتىق قىزدار پەداگوگيكالىق ۋنيۆەرسيتەتىنىڭ 75 جىلدىعى مەن جاستار جىلى اياسىندا ۇيىمداستىرىلعان ءبىلىم دوداسى ابايدىڭ اقىندىق مۇراسىن يگەرۋگە باعىتتالعان.

جەڭىمپازدار ارنايى سەرتيفيكاتپەن ماراپاتتالىپ، «قازاق ادەبيەتى ءپانى» اتاۋلى شاكىرتاقىسىنا يە بولدى. ايتا كەتەيىك، «El-ana» جاستار رۋحانيات جانە ءبىلىم ورتالىعى قازاق فيلولوگياسى جانە الەم تىلدەرى فاكۋلتەتىنىڭ قازاق ادەبيەتى كافەدراسىنىڭ مۇرىندىق بولۋىمەن قۇرىلىپ وتىر. وقۋ ورنىنىڭ 75 جىلدىعى مەن جاستار جىلى قارساڭىندا قولعا الىنعان جوبا اياسىندا ەلىمىزدىڭ جوعارى وقۋ ورىندارى ستۋدەنتتەرىنىڭ اراسىندا ءبىلىم سايىستارى تۇراقتى تۇردە وتكىزىلىپ تۇرماق. سونىمەن قاتار ۇيىم باستاماسىمەن ەكى ايدا ءبىر رەت «El-ana» ادەبي-تانىمدىق ستۋدەنتتەر الماناعى جارىق كورەدى. بۇدان وزگە «ادەبيەتتانۋ عىلىمى جانە ءبىلىم بەرۋ» سەريالىق جيناقتارى مەن قازاق ءسوز ونەرىنىڭ ايتۋلى وكىلدەرىنە ارنالعان «تۇلعاتانۋ» كوپتومدىعىن شىعارۋ، جازعى مەكتەپ، عىلىمي-تانىمدىق ەكسپەديتسيالار مەن ءبىلىمدى كوتەرۋ باعىتىنداعى سەمينار-ترەنينگتەر جانە «رۋحاني اڭگىمە»، «تۇلعادان تاعىلىم» فورماتىنداعى شىعارماشىلىق شارالار وتكىزۋ دە جوسپارلانعان.

الماتى



سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار