قوعامدىق كەڭەستىڭ توراعاسى نۇرعازى بۇحارباەۆ جۇرگىزگەن جيىندا كەڭەس مۇشەلەرى الدىمەن قالالىق توتەنشە جاعدايلار دەپارتامەنتىنىڭ باستىعى نۇربولات دەربىسوۆتىڭ ەسەبىن تىڭدادى. باسقوسۋدا كۇن تارتىبىندە قارالعان نەگىزگى ماسەلەلەر ءبىلىم, جول سالالارى بولدى. قالالىق ءبىلىم باسقارماسىنىڭ مىندەتىن اتقارۋشى ايگۇل تەكەباەۆا كەڭەس مۇشەلەرىنىڭ بالا تاربيەسى, ءبىلىم بەرۋ ماسەلەلەرى بويىنشا سۇراقتارىنا جاۋاپ بەردى.
ال قالالىق تسيفرلاندىرۋ باسقارماسىنىڭ باسشىسى اينۇر يۋسۋپوۆا «ساۋلەت باسقارماسىنىڭ گەوسەرۆيسى» اقپاراتتىق جۇيەسىنىڭ قازىرگى جاي-كۇيى, ورىن الىپ وتىرعان پروبلەمالار تۋرالى باياندادى.
كەڭەس مۇشەلەرى جيىندا جەرلەۋ جانە قابىرلەردى قاراپ-كۇتۋ جونىندەگى ءىستى ۇيىمداستىرۋ قاعيدالارى مەن تۇرعىن ءۇي-كوممۋنالدى شارۋاشىلىق نىساندارىنىڭ قاۋىپتى تەحنيكالىق قۇرىلعىلارىن ەسەپكە قويۋ جانە ەسەپتەن الۋ ءتارتىبىن بەلگىلەۋ, تۇرعىن ءۇي كومەگىن كورسەتۋدىڭ مولشەرى مەن ءتارتىبىن ايقىنداۋ تۋرالى قر ۇكىمەتى بەكىتكەن نۇسقاۋلىقتاردى تالقىلادى.
