بۇگىن ايماقتاعى 19 اۋدان مەن 3 قالادان جيىلعان بەلسەندى ءۇش جۇزگە تارتا ستۋدەنت ب.ريموۆا اتىنداعى دراما تەاتردا فەستيۆالدىڭ اشىلۋ سالتاناتىنا قاتىستى. فەستيۆالدى ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ رەكتورى قۋات بايمىرزاەۆ اشىپ, شارانىڭ ماڭىزدىلىعى مەن مانىنە توقتالدى. بەلسەندى جاستارعا ساتتىلىك تىلەپ, فەستيۆال بارىسىنداعى بايقاۋلاردا وزا شابۋعا تىلەك ءبىلدىردى.
- جەتىسۋ جەرىندە العاش ۇيىمداستىرىلىپ وتىرعان شارانىڭ ماقساتى - جاستاردىڭ قوعامداعى بەلسەندىلىگىن جانە مادەني الەۋەتىن ارتتىرۋ, ۇلتجاندى تۇلعا بولىپ قالىپتاسۋىنا ىقپال ەتۋ, كوشباسشىلىق قابىلەتتەرىن دامىتۋ, شىعارماشىلىق شەبەرلىگىن شىڭداۋ, دارىندى ستۋدەنتتەرگە قولداۋ كورسەتۋ, - دەدى ۋنيۆەرسيتەت رەكتورى ءوز سوزىندە.
فەستيۆال 4 باعىتتاعى بايقاۋمەن جالعاسپاق. بايقاۋدا بارىسىندا ستۋدەنتتەر «وتانىم - اتامەكەنىم!» پاتريوتتىق اندەر بايقاۋىنا قاتىسىپ, «ۇشقىر ويلى جەتىسۋلىق جاستار» اتتى پىكىر-سايىس تۋرنيرىندە بىلىكتىلىك جارىستىرادى. مۇنان كەيىنگى شارا «جايدارلى جاستار» كوڭىلدى تاپقىرلار كلۋبىنىڭ ويىندارىنا جالعاسىپ, «سپورت – ءومىر كوركى» ۇرانىمەن وتەتىن شاعىن فۋتبول جارىسىنا ۇلاسادى..
ال «مەنىڭ قازاقستانىم: ستۋدەنت كوكتەم-2019» اتتى وبلىستىق ستۋدەنت-جاستار فەستيۆالى 30 مامىر كۇنى قورتىندىلانىپ, جەڭىمپازداردى ماراپاتتاۋ تالدىقورعانداعى «جاستار» مادەني-دەمالىس ساياباعىندا وتەتىن ەسترادا جۇلدىزدارىنىڭ گالا كونتسەرتىنە جالعاسپاق.
الماتى وبلىسى
