سپورتشى «كلاسسيكالىق سىعىمداپ كوتەرۋ» ءتارتىبى بويىنشا 175,5 كيلو سالماقتى كوتەرىپ, الەم رەكوردىنا وزگەرىس ەنگىزدى. ال جارىستىڭ سوڭعى كۇنى ول «جابدىقسىز شتانگانى جاتىپ كوتەرۋ» سىنىندا 217,5 كيلو سالماقتى باعىندىرىپ, جەڭىس تۇعىرىنىڭ ەڭ بيىك ساتىسىنا ەكىنشى مارتە كوتەرىلدى.
– وتكەن جىلى الەم چەمپيوناتىندا ەكىنشى ورىن الدىم. وسىدان كەيىن الدىما التىن مەدال الىپ, الەمدىك بىرىنشىلىكتىڭ ءۇش مارتە جەڭىمپازى اتانۋ ماقساتىن قويدىم. وليمپيالىق ەمەس سپورت تۇرىندە بۇل ناتيجە «ەڭبەك سىڭىرگەن سپورت شەبەرى» اتاعىن الۋعا قۇقىق بەرەدى. ارمانىما جەتكەنىمە وتە قۋانىشتىمىن, – دەدى چەمپيون جانە رەكوردشى وبلىستىق دەنە شىنىقتىرۋ جانە سپورت باسقارماسىندا ءوزىنىڭ قۇرمەتىنە ۇيىمداستىرىلعان ءباسپاسوز ءماسليحاتىندا.
قارامان ابدۋلكارىم شەت اۋدانىنداعى اقادىر كەنتىندە تۇرادى. سپورتشى وبلىستىق مامانداندىرىلعان كەشەندى سپورت مەكتەبىنىڭ تۇلەگى, قازىرگى ۋاقىتتا ول قاراعاندى وبلىسىنىڭ جوعارى سپورت شەبەرلىگى مەكتەبىنىڭ قامقورلىعىنا الىنعان.
ايتا كەتۋ كەرەك, قارامان ابدۋلكارىمدى اكەسى, 70 جاستاعىلار اراسىنداعى ارداگەرلەردىڭ حالىقارالىق جارىستارىندا جۇلدەگەر بولىپ جۇرگەن ء دارىباي وسپانوۆ جاتتىقتىرادى.
