قازاقستان • 29 مامىر, 2019

ەنەرگەتيكا جابدىقتارىمەن قامتاماسىز ەتەدى

1000 رەت
كورسەتىلدى
2 مين
وقۋ ءۇشىن

ەلىمىزدىڭ ءىرى ونەركاسىپتىك كاسىپورىندارى پودولسك ماشينا جاساۋ زاۋىتىمەن كەلىسىمگە قول قويدى.

ەنەرگەتيكا جابدىقتارىمەن قامتاماسىز ەتەدى

رەسەيلىك كومپانيامەن كەلى­سىم­دى قازاقستاندىق «Maker (مەيكەر)» جشس, «پەتروپاۆل اۋىر ماشينا جاساۋ زاۋىتى» اق جانە «قازەنەرگوماش كور­پو­راتسياسى» جشس جاساسىپ وتىر. يندۋستريا جانە ينف­را­قۇ­رىلىمدىق دامۋ مينيستر­لىگىن­دە وتكەن شاراعا مينيستر رومان سكليار, مينيسترلىك وكىلدەرى, پودولسك ماشينا جاساۋ زاۋى­تىنىڭ باسقارما توراعاسى الەكسەي رۋبتسوۆ, قول قويۋشى كاسىپورىن باسشىلارى قاتىستى.

̶ كەلىسىم ينتەگراتسيالاۋ ۇدە­رىسىن نىعايتۋعا ۇلەسىن قوسا­­تى­نىنا, ەكى ەل كاسىپورىن­دارى اراسىنداعى بايلانىس­تى تە­رەڭدەتۋگە ىقپال ەتەتى­نىنە سەنىم­دىمىن. بۇگىن دە كولىك قۇراس­تىرۋ كەشەنى – قازاق­ستان ەكو­نو­ميكاسىنىڭ ءوسىم درايۆەر­لەرىنىڭ ءبىرى. ىنتىماقتاستىق ورناتۋ ماقساتىندا پودولسك ماشينا جاساۋ زاۋىتى ماماندارىنىڭ قازاقستاندىق كاسىپورىندارعا ىرىكتەۋ جۇرگىزگەنى ءۇشىن العىس ايتقىم كەلەدى, – دەدى ر.سكليار ءوز سوزىندە.

ءمينيستردىڭ ايتۋىنشا, ەكى ەل كاسىپورىندارىنىڭ مۇنداي تىعىز ىنتىماقتاستىعى پودولسك ما­شينا جاساۋ زاۋىتىنىڭ حالىق­ارالىق تاجىريبەسىنە نەگىز­دەلە وتىرىپ, وتاندىق جانە شەتەل­دىك ەلەكتر ستانسالارىن ەنەرگەتي­كا­لىق جابدىقتارمەن قامتاماسىز ەتەدى.

قول قويىلعان كەلىسىمدەر ەكى ەل كاسىپورىندارىنا گەنەرا­تسيا­لاۋدىڭ, جاڭعىرتۋدىڭ جانە جۇمىس ىستەپ تۇرعان نىسان­دار­دى قايتا جاڭارتۋدىڭ جاڭا مۇمكىندىكتەرىن اشپاق. سونداي-اق اتالعان كەلىسىم جىلۋ ەنەرگەتيكاسى سەگمەنتتەرىندەگى جابدىقتار مەن جيناقتاۋشى قوسالقى بولشەكتەردى جەتكىزۋ, تاجىريبە الماسۋ, ەنەرگەتيكالىق جانە وزگە دە ماشينا جاساۋ جابدىقتارىن ءون­دىرۋ, بىرلەسكەن عىلىمي-زەرت­تەۋ جانە تاجىريبەلىك-كونسترۋكتورلىق جۇمىستاردى جۇرگىزۋگە مۇمكىندىك بەرەدى.

ايتا كەتۋ كەرەك, ەكى جاقتى كەزدەسۋ ەۋرازيالىق ەكونوميكالىق وداقتىڭ (ەاەو) مەرەيتويلىق ءسامميتىن وتكىزۋ اياسىندا, سونداي-اق ەاەو قۇرۋ تۋرالى شارتتىڭ 5 جىلدىعىن جانە ەلباسى – تۇڭعىش پرەزيدەنت نۇرسۇلتان نازارباەۆتىڭ باستاماسىمەن ەۋرازيالىق ينتەگراتسيالىق بىرلەستىك قۇرۋ تۋرالى يدەيانىڭ 25 جىلدىعى سياقتى ايتۋلى وقيعالار قارساڭىندا ءوتتى.

سوڭعى جاڭالىقتار