كەزدەسۋ بارىسىندا مۇناي-گاز سالاسىندا, سونىڭ ىشىندە تەڭىز جانە قاشاعان كەن ورىندارىن يگەرۋ جونىندەگى ءبىرلەسكەن جوبالاردى ىسكە اسىرۋ اياسىنداعى ىنتىماقتاستىقتىڭ باسىم باعىتتارى مەن وزەكتى ماسەلەلەرى تالقىلاندى.
ەنەرگەتيكا مينيسترلىگىنىڭ دەرەكتەرى بويىنشا, بيىل قاشاعاندا 12,9 ملن-عا جۋىق توننا مۇناي جانە 8 ملرد گاز ءوندىرۋ كوزدەلگەن. رەكونسترۋكتسيالاۋ جۇمىستارىنان كەيىن كەن ورنىندا تاۋلىگىنە 70 مىڭ باررەل دەڭگەيىنەن باستاپ ءوندىرۋ قايتا جاڭارتىلدى. مۇنى بىرتىندەپ ارتتىراتىنىن ەسكەرسەك, كەلەشەكتە كۇندەلىكتى كولەم 370-400 مىڭ باررەل مۇنايعا جەتەدى.
سونداي-اق تەڭىز كەن ورنىنىڭ نىساندارىندا كۇردەلى جوندەۋ جۇمىستارىن ءجۇرگىزۋ جوسپارلانعان. بۇعان قوسا حازار كەن ورنىمەن بىرگە قالامقاس-تەڭىز كەن ورنىن يگەرۋ ماسەلەسى پىسىقتالۋدا.
كەزدەسۋدە ExxonMobil قازاقستاننىڭ ماڭىزدى سەرىكتەسى ەكەنى اتالىپ ءوتتى, كومپانيامەن تىعىز ىنتىماقتاستىق ەلىمىزدىڭ مۇناي سالاسىن دامىتۋعا ىقپال ەتەدى.
