– ءبىز ءسىزدىڭ قىزمەتىڭىزدى مۇقيات باقىلاپ, ەلىڭىزدى دامىتۋداعى زور جەتىستىكتەرىڭىزدى ايتىپ وتىرامىز. ءسىز پرەزيدەنت لاۋازىمىندا ۇزاق جىلدان بەرى قىزمەت ەتىپ كەلەسىز جانە مەملەكەتىڭىزدىڭ بەدەلى مەن الەۋەتىن نىعايتۋ ءۇشىن بار مۇمكىندىكتى جاساپ جاتىرسىز, – دەدى قاسىم-جومارت توقاەۆ.
الەكساندر لۋكاشەنكو ءداستۇرلى تۇردە جىلى قارسى العانى جانە كەزدەسۋگە مۇمكىندىك تۋعىزعانى ءۇشىن قاسىم-جومارت توقاەۆقا ريزاشىلىق ءبىلدىردى.
بەلارۋس باسشىسى تاۋەلسىز قازاقستاننىڭ قالىپتاسۋ جولىنداعى ەلباسى نۇرسۇلتان نازارباەۆ پەن پرەزيدەنت قاسىم-جومارت توقاەۆتىڭ ءرولىن ەرەكشە اتاپ ءوتىپ, ەلىمىزدە بولىپ جاتقان ىشكى ساياسي ۇدەرىستەرگە وڭ باعا بەردى.
– ءبىزدىڭ قارىم-قاتىناستارىمىزعا كەلەر بولساق, ول ءاردايىم جاقسى بولادى. سىزدەرمەن بىرگە ىنتىماقتاستىعىمىز ناقتى باعىتتار بويىنشا ىلگەرىلەي بەرەتىنىنە كۇمانىم جوق, – دەدى ا.لۋكاشەنكو.
تاراپتار ەكىجاقتى قارىم-قاتىناستارداعى, وڭىرلىك جانە حالىقارالىق كۇن تارتىبىندەگى وزەكتى ماسەلەلەردى تالقىلادى.
