ەكونوميكانىڭ باسىمدىقتى سالالارىن دامىتۋ بويىنشا مەملەكەتتىك قولداۋ شارالارىن كورسەتۋ اياسىندا مەملەكەتتىك ورگانداردىڭ, وڭىرلەر مەن دامۋ ينستيتۋتتارىنىڭ وكىلدەرىنىڭ قاتىسۋىمەن جوبالىق كەڭسە جۇمىس ىستەيدى.
پرەمەر-ءمينيستردىڭ ورىنباسارى ج. قاسىمبەك جوبالىق كەڭسە الاڭىندا اپتا سايىن 300-گە جۋىق وتىرىس وتكىزىلىپ, 1000-نان استام الەۋەتتى كاسىپكەر تىڭدالعانىن جەتكىزدى. ناتيجەسىندە حالىق تۇتىناتىن تاۋارلار ءوندىرىسىن دامىتۋدىڭ قازىرگى باعدارلاماسىنا وزگەرىستەر پاكەتى ازىرلەندى. 2025 جىلعا قاراي «قاراپايىم زاتتار ەكونوميكاسى» تاۋارلارى بويىنشا يمپورت ۇلەسىن 59%-دان 37%-عا دەيىن تومەندەتىپ, 16 مىڭعا جۋىق جۇمىس ورنىن قۇرىپ, سالىق تۇسىمدەرىن 1,1 ترلن تەڭگەگە ارتتىرۋ جوسپارلانعان.
ماسەلەنى قاراۋ قورىتىندىسى بويىنشا پرەمەر-مينيستر اسقار مامين جەڭىلدىكپەن نەسيەلەندىرۋدىڭ وڭ قارقىنىن اتاپ ءوتتى. بۇگىنگى تاڭدا 700 ملرد تەڭگەدەن اساتىن سوماعا 900 جۋىق جوبا جۇمىس ۇستىندە.
ۇكىمەت باسشىسى حالىق تۇتىناتىن تاۋارلار ءوندىرىسىن ودان ءارى دامىتۋ بويىنشا ايتىلعان تاسىلدەرگە قولداۋ ءبىلدىردى. ولاردىڭ ىشىندە تۇپكى قارىز الۋشى ءۇشىن پايىزدىق مولشەرلەمەنى 9%-دان 6%-عا دەيىن تومەندەتۋ, نەسيە مەرزىمىنەن 1/3 اسپايتىن ۋاقىتقا جەڭىلدىكتى كەزەڭدى ەنگىزۋ جانە نەسيەلەندىرۋ ءۇشىن تاۋارلار ءتىزىمىن كەڭەيتۋ بار.
وتاندىق تاۋار جانە قىزمەت وندىرۋشىلەردى قولداۋ ءۇشىن پرەمەر-مينيستر ا. مامين مەملەكەتتىك ساتىپ الۋلار مەن كۆازيمەملەكەتتىك سەكتور ساتىپ الۋلارىندا «قاراپايىم زاتتار ەكونوميكاسىنا» جاتاتىن تاۋارلار مەن قىزمەتتەردىڭ ۇلەسىن ارتتىرۋ بويىنشا شارالاردى قابىلداۋدى تاپسىردى. وبلىس اكىمدىكتەرىنە جەرگىلىكتى قامتۋدى باقىلاۋ بويىنشا جۇمىستاردى جانداندىرۋ كەرەك.
الداعى 3 جىلدا قازاقستاندىق كاسىپورىنداردى قولداۋعا 500 ملرد تەڭگە بولىنەدى. شيكىزاتتىق ەمەس ەكسپورتتى دامىتۋ اياسىندا مەملەكەتتىك ورگاندار وعان بولىنگەن بيۋدجەت قاراجاتىن تولىق جانە ۋاقىتىلى يگەرۋ بويىنشا جۇمىستى جالعاستىرىپ, شيكىزاتتىق ەمەس ەكسپورتتى ىلگەرىلەتۋ تەتىكتەرىن جەتىلدىرۋ بويىنشا ۇسىنىستار ەنگىزۋ قاجەت, ونىڭ ىشىندە ا. ج. 24 مامىردا ۇلتتىق ينۆەستورلار كەڭەسىندە بيزنەس كوتەرگەن ماسەلەلەر ەسكەرىلۋى ءتيىس.
