تەمىردى قامىرشا يلەيتىن شەبەر

تەمىردى قامىرشا يلەي­­­­تىن شەبەردىڭ بۇل جول­عى­ كوز ما­يىن تاۋىسقان ەڭبەگى جاۋ­گەر­شى­لىك كەزدەردە بەس قا­رۋى ساي­لاۋلى, تۇلپارى باي­­لاۋ­لى قازاق باتىرلارى كي­­گەن, سالماعى 10 كەلىگە جۋىق تەمىر ساۋىتتى جاساپ شى­عارۋعا ارنالىپتى. وعان قا­جەت­تى 560 پلاستينانىڭ ءار­قاي­سىسى قولمەن قيىلىپ, ور­نا­­لاستىرىلعان. 

ساۋىتتىڭ قالىڭدىعى 4 ميل­ليمەترگە دەيىن جەتە­تىن­­دىكتەن, جەبە تەسە المايدى, قىلىش وتپەيدى. ساۋىت­تىڭ ءتۇرى كوپ. مەنىڭ جاسا­عانىم – كوبە ساۋىت. قازاق ساۋىت­­­تا­رىنىڭ ومىراۋى اشىق كەلگەندىكتەن, ول تۇس­تى «باق ورنى» دەپ اتاعان. «باعىڭ بولسا, امان قالاسىڭ» دەگەن ءسوز وسى­دان شىققان, دەيدى ەرعالي ءشامىل ۇلى. 

كەيىنگى 10 جىل­­دىڭ ءىشىن­دە 7 ساۋىت جاساپ شى­عا­رىپت­ى. ونىڭ ۇشەۋى شە­بەر­حا­­­نادا ساقتاۋلى. بىرەۋى بىل­­­عا­رى­دان, ەكىنشىسى تەمىر شى­عىر­شىق­تاردان ىستەلىپتى. قال­­­عان­دارىن سىي­عا تاراتىپتى. 

ول جىلدار بويى جي­ناق­­تاعان تاجىريبەسىن ءشا­كىرت­­تەرىنە ءۇي­رەتۋدەن جا­لىققان ەمەس. قانداي دا ءبىر زاتتى جاساماس بۇرىن تاريحىنا ءۇڭىلۋدى داع­دىعا اينالدىرعان. ونىڭ پايىم­داۋىنشا, قارا تە­مىر ساۋىت­تى جەر بەتىندە ال­عاش رەت التاي ولكەسىندەگى اۆار تايپاسى جاساعان دەگەن تاريحي بولجام بار. وسىن­­داي تورعاۋىل ساۋىتتار اۆار­لاردىڭ اسكەرلەرىندە عا­نا ەمەس, جىلقىلارىنىڭ ءۇس­تىن­دە دە بولعان. مۇنى ەۋرو­پا­لىق­تاردان بۇرىن ءىىى-ءىV عا­سىر­لاردا پايدالانعان كو­رىنەدى.