سايلاۋ • 28 مامىر، 2019

سايلاۋ كوميسسيالارى ءۇشىن سەمينارلار وتكىزىلدى

719 رەت كورسەتىلدى

شىمكەنت قالاسىندا ورتالىق سايلاۋ كوميسسياسىنىڭ مۇشەسى ل.سۇلەيمەن «2019 جىلعى 9 ماۋسىمعا تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن ازىرلەۋ مەن وتكىزۋ كەزەڭىندەگى سايلاۋ كوميسسيالارىنىڭ جۇمىسى تۋرالى» سايلاۋدى ۇيىمداستىرۋشىلار ءۇشىن وقىتۋ سەمينارىن وتكىزدى.

سەمينارعا اۋماقتىق سايلاۋ كوميسسياسىنىڭ مۇشە­لەرى، 260 ۋچاسكەلىك سايلاۋ كوميس­سيالارىنىڭ ءتور­اعالارى، ورىن­­باسارلارى جانە حات­شى­لارى، ەلەكتوراتتىق وقى­تۋدىڭ سەرت­يفي­كاتتالعان جات­تىقتى­رۋ­شىسى، پرەزيدەنت جا­نىن­داعى مەملەكەتتىك باسقارۋ اكا­دەميا­سى فيليالىنىڭ ديرەكتورى، شىمكەنت قالاسى اكىمى اپپاراتىنىڭ باسشىسى، اۋدان اكىمدەرى مەن اپپارات باسشىلارى، جەرگىلىكتى اتقارۋشى ورگانداردىڭ باسشىلارى جانە بۇقارالىق اقپارات قۇرالدارىنىڭ وكىلدەرى، بارلىعى 827 ادام قاتىستى.

سەمينار بارىسىندا ل.سۇلەي­مەن قاتىسۋشىلاردى سايلاۋ زاڭناماسىنداعى وزگەرىستەرمەن، سايلاۋ ناۋقانىنىڭ نەگىزگى كەزەڭدەرىمەن، كانديداتتاردىڭ سايلاۋ الدىنداعى ۇگىتتى جۇزەگە اسىرۋ شارتتارىمەن، سايلاۋ كوميسسيالارىنىڭ سايلاۋدى ازىرلەۋ مەن وتكىزۋ جونىندەگى وكىلەتتىكتەرىمەن، اۋماقتىق ساي­لاۋ كوميسسيالارىنىڭ جانە جە­ر­گىلىكتى اتقارۋشى ورگان­دار­دىڭ مۇمكىندىكتەرى شەك­تەۋلى ازا­مات­تاردىڭ قۇقىقتارىن قام­­­­تاماسىز ەتۋ جونىندەگى ءمىن­دەت­تەرىمەن تا­نىستىردى. وعان قوسا سايلاۋ ءجۇ­يەسىن ۇيىم­­داستىرۋ ءبولىمىنىڭ باس ساراپشىسى ي.بەركىمباي سايلاۋ كو­ميسسيالارىنىڭ دايىن­دىق كەزەڭىندەگى، سونداي-اق ءتى­كە­لەي داۋىس بەرۋ كۇنگى قىز­مەت ماسەلەلەرىنە ناقتى توق­تا­لىپ، اسىرەسە 2019 جىلعى 9 ماۋ­­سىمداعى پرەزيدەنتتىك ساي­لاۋ­داعى ۋچاسكەلىك سايلاۋ كوميس­سيالارىنىڭ قورىتىندى حاتتامانى دۇرىس تولتىرۋ ماسە­لەسىن پىسىقتادى.

سول سياقتى ورتالىق سايلاۋ كوميسسياسىنىڭ مۇشەسى ب.مەل­دەشوۆ قىزىلوردا وبلىسىنا جۇمىس ساپارىنىڭ اياسىندا قىزىلوردا قالاسى مەن سىرداريا اۋدانىنىڭ 19 سايلاۋ ۋچاسكەسىندە بولىپ، سايلاۋ­دى ۇيىمداستىرۋشىلار ءۇشىن وقىتۋ سەمينارىن وتكىزدى جانە ولاردىڭ سايلاۋعا ازىرلىگىمەن تانىستى. سەمينار بارىسىندا ب.مەل­­دەشوۆ سايلاۋ ناۋقا­نى­­نىڭ ءاربىر كەزەڭىمەن، سايلاۋ زاڭناماسىنا سايكەس سايلاۋ­دى ۇيىمداستىرۋشىلاردىڭ نەگىزگى وكىلەتتىكتەرىمەن جانە مىندەتتەرىمەن تانىستىردى.

ال سولتۇستىك قازاقستان وبلىسىنا بارعان ورتالىق سايلاۋ كوميسسياسىنىڭ حاتشىسى س.مۇستافينا دا «2019 جىلعى 9 ماۋسىمعا تاعايىندالعان قازاق­ستان رەسپۋبليكاسى پرەزي­دەنتىنىڭ كەزەكتەن تىس سايلاۋىن ازىرلەۋ مەن وتكىزۋ كەزەڭىندەگى سايلاۋ كوميسسيالارىنىڭ جۇمى­سى تۋرالى» سايلاۋدى ۇيىم­داس­تىرۋشىلار ءۇشىن وقىتۋ سەمينارىن وتكىزدى.

بۇعان قوسا ورتالىق سايلاۋ كوميسسياسى جاستار جىلى ءىس-شارالارى اياسىندا ەلىمىزدىڭ جوعارى وقۋ ورىندارىنىڭ ستۋ­دەنتتەرى اراسىندا سايلاۋ قۇ­قىعى مەن سايلاۋ پروتسەسى ماسە­لەلەرى بويىنشا ۇلتتىق ۆيك­تورينا ۇيىم­داستىرعان بولا­تىن. سونىڭ ءبىرىنشى كەزەڭى باستالدى. اتالعان ۇلتتىق ۆيكتورينا تاۋەلسىز مەم­­لەكەتتەر دوستاستىعىنا قا­­تى­سۋشى ەلدەردىڭ جوعارى وقۋ ورىندارى ستۋدەنت جاس­تا­رى­­نىڭ ەلەكتوراتتى-قۇقىق­تىق ساۋاتتىلىعىن ارتتى­رۋعا باعىتتالعان جانە حالىق­ارا­لىق دەموكراتيا كۇنىنە (2007 جىلعى 15 قىركۇيەكتە بۇۇ باس اسسامبلەياسى بەكىت­كەن) وراي­لاستىرىلعان مەملەكەت­ارا­لىق جوبانىڭ ءبىر باعىتى بولىپ تابىلادى. ال ۇلتتىق ۆيكتو­رينانىڭ جەڭىمپازى 2019 جىلعى قىركۇيەكتە تمد پارلامەنت­ارالىق اسسام­بلەيا­سى كەڭەسى ۇيىم­داس­تىراتىن سانكت-پەتەر­بۋرگ قالاسىنداعى عىلىمي ستۋ­دەنت­تىك پىكىرتالاسقا تمد ەلدەرى قۇ­را­ماسى قۇرامىندا قاتىسادى.

بۇل ۆيكتورينانى وتكى­زۋدەگى وسك-ءنىڭ نەگىزگى سەرىك­تەس­تەرى – دەموكراتيانى، پارلا­مەن­تاريزمدى دامىتۋ جانە تمد پاا-عا قاتىسۋشى مەملەكەتتەر ازاماتتارىنىڭ سايلاۋ قۇقىقتارىن ساقتاۋ مونيتو­رينگىنىڭ حالىقارالىق ينستيتۋتى، قۇرامىنا 80-نەن استام ۇلت­تىق جانە وڭىرلىك جوعارى وقۋ ورىندارى كىرەتىن «قازاقستان رەس­پۋبليكاسى جوعارى وقۋ ورىن­دارىنىڭ قاۋىمداستىعى» زاڭدى تۇلعالار بىرلەستىگى ءجا­نە ۇلتتىق ۆيكتورينانىڭ ءبى­رىن­شى كەزەڭىن جۇزەگە اسىرۋ ءۇشىن ينفوكوممۋنيكاتسيالىق تۇ­عىر­­ناما ۇسىنعان ءال-فارابي اتىنداعى قازاق ۇلتتىق ۋنيۆەر­سيتەتى.

قازىرگى كەزدە ءال-فارابي اتىن­داعى قازاق ۇلتتىق ۋني­ۆەر­سيتەتىنىڭ ينتەراكتيۆتى تۇعىر­ناماسىندا قازاقستاننىڭ 12 وبلىسىنىڭ 20 جوعارى وقۋ ورنىنان 172 ستۋدەنت تىركەۋدەن ءوتتى. مىنە، وسى جوعارى وقۋ ورىن­دارىنىڭ ستۋدەنتتەرى اراسىندا سايلاۋ قۇقىعى جانە سايلاۋ پروتسەسى ماسەلەلەرى بويىنشا ۇلتتىق ۆيكتورينانىڭ ءبىرىنشى تۋرى م.ح. دۋلاتي اتىنداعى تاراز مەملەكەتتىك ۋنيۆەرسيتەتى بازاسىندا باستالدى. وعان ورتالىق سايلاۋ كوميسسياسىنىڭ حاتشىسى س. ساپارقىزى قاتىستى.
سوڭعى جاڭالىقتار

مەرەكە كۇندەر جاڭبىرلى بولادى

اۋا رايى • بۇگىن، 10:32

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ارداگەرلەر ازايىپ بارا جاتىر...

قازاقستان • بۇگىن، 07:38

ۇقساس جاڭالىقتار