ينۆەستيتسيا جانە كاسىپكەرلىكتى دامىتۋ باسقارماسىنىڭ حابارلاۋىنشا, ورتالىق, «جەتىسۋ», «جەرۇيىق» جانە «ستۋدەنتتىك» ساياباقتارىنىڭ اكىمشىلىگى جۇرگىزگەن جۇمىستاردىڭ ناتيجەسىندە جىل باسىنان 11 ۇرلەمەلى باتۋت جۇمىسى توقتاتىلدى.
قازىرگى ۋاقىتتا قالا اكىمدىگى ساۋدا, ويىن-ساۋىق ورتالىقتارى اۋماعىندا ويىن-ساۋىقتىق نىسانداردى ورناتۋعا رۇقسات بەرمەيدى.
كاسىپكەرلەر ساۋدا ورتالىقتارىندا جانە باسقا دا جەكە مەنشىك وبەكتىلەردە باتۋتتاردى ەكى كاسىپكەرلىك سۋبەكتىسى اراسىندا جالداۋ شارتى نەگىزىندە ورنالاستىرادى. سونىمەن قاتار, زاڭدى تۇلعانىڭ جارعىسىندا, اتاپ ايتقاندا, ساۋدا ورتالىعىنىڭ يەسى اۋماقتى جالداۋدى قامتاماسىز ەتۋى ءتيىس.
سونداي-اق, ساياباق اكىمشىلىكتەرى كەلىسىمشارت بويىنشا جەل سەكۋندىنا 10 مەتر جىلدامدىقپەن سوققاندا, اۋا-رايىنىڭ تۇراقتانعانىنا دەيىن باتۋتتار جانە اتتراكتسيوندار جۇمىسىن توقتاتۋى تيىس.
«سونىمەن قاتار, بۇگىنگى تاڭدا يندۋستريا جانە جاڭا تەحنولوگيالار مينيسترلىگىنىڭ ونەركاسىپتىك دامۋ جانە ونەركاسىپتىك قاۋىپسىزدىك كوميتەتى باتۋتتاردىڭ جانە اتتراكتسيونداردىڭ قاۋىپسىزدىگىن قامتاماسىز ەتۋ ەرەجەسىن ازىرلەدى», – دەپ اتاپ ءوتتى ينۆەستيتسيا جانە كاسىپكەرلىكتى دامىتۋ باسقارماسىنان.
