كەلىسسوزدەرگە لاتۆيا تاراپىنان شارۋالار وداعى جانە «جاسىلدار» پارتيالارى فراكتسياسىنىڭ توراعاسى, توپ باسشىسى ۋلديس اۋگۋليس, توپ مۇشەلەرى بوريس تسيلەۆيچ, رەگينا لوچمەلە-لۋنەۆا جانە ەۆيا پاپۋلە قاتىستى.
تاراپتار ەكىجاقتى قاتىناستاردىڭ وزەكتى ماسەلەلەرى مەن كەلەشەگىن, پارلامەنتارالىق ىنتىماقتاستىق پەن مادەني-گۋمانيتارلىق بايلانىستاردى تەرەڭدەتۋ ماسەلەلەرىن تالقىلادى.
ت.مۇساباەۆ لاتۆيالىق تاراپقا قازاقستاندى ساياسي وزگەرىستەر, ەلىمىزدىڭ تۇڭعىش پرەزيدەنتى – ن.نازارباەۆتىڭ قازاقستاننىڭ تاۋەلسىزدىگىن قالىپتاستىرۋداعى ءرولى, سونداي-اق الداعى پرەزيدەنت سايلاۋى تۋرالى جان-جاقتى ايتىپ بەردى.
سەناتور ساپار بارىسىندا لەنين كومسومولى اتىنداعى ريگا قىزىل تۋلى ازاماتتىق اۆياتسيا ينجەنەرلەرى ينستيتۋتىنىڭ 100 جىلدىق مەرەيتويىنا ارنالعان كولىك جانە بايلانىس ينستيتۋتىندا وتكەن «Next Generation of Aviation Professionals» حالىقارالىق اۆياتسيا فورۋمىندا ءسوز سويلەدى.
فورۋم اياسىندا وسى ينستيتۋتتىڭ تانىمال تۇلەكتەرىنىڭ ءبىرى – عارىشكەر تالعات مۇساباەۆ اتىنداعى ءدارىسحانانىڭ سالتاناتتى اشىلۋ ءراسىمى بولدى.
