بۇكىلالەمدىك بانك وكىلدەرىنىڭ ماڭعىستاۋ سوتتارىنا ءىسساپارىنىڭ ماقساتى – قازاقستاندىق سوت تورەلىگىندە اقپاراتتىق تەحنولوگيا مەن ءىت جۇيەنىڭ قولدانىسىمەن تانىسۋ جانە سوت جۇيەسى جۇمىسىن ۇيىمداستىرۋدىڭ حالىقارالىق وزىق تاجىريبەسىن زەردەلەۋ. سوتتاردى ارالاۋ بارىسىندا ولار ماتەريالدىق-تەحنيكالىق قامتاماسىز ەتىلۋىمەن قاتار, سوت زالدارىنداعى اۋديو-بەينەجازبا قۇرىلعىلارىنىڭ, سوت كەڭسەسىندەگى ەلەكتروندى سەرۆيستەردىڭ جۇمىستارىنا, ازاماتتارعا قىزمەت كورسەتۋ تاسىلدەرىنە كۋا بولدى. ولار قالالىق سوتتارداعى «سوت تورەلىگىنىڭ 7 ءتۇيىنى» بويىنشا جۇزەگە اسىرىلعان فرونت-وفيس, مەدياتسيا كابينەتى, سۋديا كومەكشىسى سەكىلدى پيلوتتىق جوبا ناتيجەلەرىمەن جاقىن تانىستى.
نۇرتاي الماشوۆ قوناقتارعا قازاقستان سوتتارىندا مەدياتسيا ءراسىمى نەگىزىندە بيلەر كەڭەسى جۇمىس ىستەي باستاعانىن, سمارت-سوت ارقىلى ىستەردى قاشىقتان وتكىزۋ ناتيجەسىن, ىستەردى ساقتاۋ تاجىريبەسىن ءتۇسىندىردى. سونداي-اق, ول قازىرگى تاڭدا قازاقستان رەسپۋبليكاسى مەن بۇكىلالەمدىك بانكتىڭ اراسىنداعى ءوزارا ءىس-قيمىلدىڭ قارقىندى دامىپ وتىرعانىن اتاپ ءوتتى.
