وقيعا 23 مامىردا بولعان. وقيعا ورنىنا جەدەل جاردەم توبى كەلدى. بەرىلگەن اقپار بويىنشا, كوللەدجدىڭ 1-2 قاباتتارىندا بەلگىسىز زاتتىڭ وتكىر ءيىسى بولعان, ناتيجەسىندە 20 ادام اۋرۋحاناعا اكەلىندى.
بۇل تۋرالى وكق-دە وتكەن ءباسپاسوز جيىنىندا اتىراۋ سەرۆيس كوللەدجى ديرەكتورىنىڭ وندىرىستىك وقىتۋ جونىندەگى ورىنباسارى گۇلسىم جالمۇحانوۆا مالىمدەدى.
- بالالاردىڭ جاپپاي ۋلانۋىنىڭ سەبەبى انىقتالۋدا, بەينەباقىلاۋ كامەرالارىنىڭ جازبالارى تەكسەرىلدى. ەندى بالالاردىڭ دەنساۋلىعىنا ەشتەڭە قاۋىپ توندىرمەيدى. ناۋقاستارعا ۋاقىتىلى كومەك كورسەتىلدى. دەنساۋلىق جاعدايىن قالىپقا كەلتىرگەندىكتەن, ستۋدەنتتەردىڭ كوبىسى ۇيگە جىبەرىلدى, ال قالعانى كەشكى ساعات 19.00-گە دەيىن شىعارىلادى. ولاردىڭ بارلىعى ۋچاسكەلىك دارىگەرلەردىڭ باقىلاۋىندا بولادى. قازىر بۇل جاعدايمەن قۇقىق قورعاۋ ورگاندارى اينالىسۋدا, وقيعا گاز بالونىن بۇركۋدەن بولعان دەگەن بولجام بار», - دەدى گۇلسىم جالمۇحانوۆا.
