اۋماقتىق سايلاۋ كوميسسيالارىنىڭ 33 مۇشەسى ارنايى وقۋ ترەنينگتەرىنەن ءوتىپ, 82 ادام ارنايى سەمينارلاردا بىلىمدەرىن جەتىلدىرگەن. مۇمكىندىگى شەكتەۋلى جاندار ءۇشىن ءبىرىنشى قاباتتا ورنالاسقان سايلاۋ ۋچاسكەلەرى پاندۋسپەن جابدىقتالعان. جابىق تۇردەگى اسكەري جانە مەديتسينالىق ۇيىمدار ءۇشىن 12 سايلاۋ ۋچاسكەسى قىزمەت كورسەتەدى. نورۆەگيا مەن يتاليادان كەلگەن باقىلاۋشىلار ىسكە كىرىسىپ كەتكەن.
* * *
«امانات» ازاماتتىق پلاتفورماسى رەسپۋبليكالىق شتابىنىڭ مۇشەلەرى ۇيىمداستىرۋعا ترەنينگتە سايلاۋشىلار مەن بايقاۋشىلاردىڭ قۇقىقتارى جان-جاقتى ءتۇسىندىرىلدى. ءبىز پرەزيدەنتتىك سايلاۋعا مونيتورينگ جۇرگىزىپ, بەس باعىت بويىنشا تالداۋ جاساپ, قاداعالاپ وتىرامىز. تەڭدىك, سانالى تاڭداۋ, ادىلدىك, كەلىسىم جانە سەنىم قاعيداتتارى نەگىزىندە جۇمىس ىستەيمىز. حالىقارالىق, جەرگىلىكتى تاۋەلسىز ۇيىمدارمەن جاقسى بايلانىس ورناتىلعان, دەگەن «امانات» ازاماتتىق پلاتفورماسى جەتەكشىسىنىڭ ورىنباسارى شىڭعىس لەپسىباەۆ بارلىق وڭىرلەردە 10 مىڭعا جۋىق بايقاۋشى دايىنداۋعا بەلسەنە قاتىسىپ, ءتۇرلى ترەنينگ-سەمينارلار ۇيىمداستىرىلىپ جاتقانىن, ونداعى باستى ماقسات سايلاۋ بارىسىندا ازاماتتاردىڭ قۇقىقتارى بۇزىلماۋىن رەتتەۋ بولىپ تابىلاتىنىن اڭگىمەلەدى.
پلاتفورمانىڭ جەرگىلىكتى وكىلى جانات مۇحامەدجانوۆ ىرىكتەۋدەن 22 ادامنىڭ وتكەنىن, وقىتۋ, ءتۇسىندىرۋ شارالارى تولاستامايتىنىن, ترەنينگكە قاتىسۋشىلاردىڭ ساياسي بىلىكتىلىگىن كوتەرۋدىڭ بارلىق ءمۇمكىندىكتەرى قاراستىرىلاتىن العا تارتتى.
سولتۇستىك قازاقستان وبلىسى
