ايماقتار • 24 مامىر, 2019

ماڭعىستاۋدا پد باسشىسى تىكەلەي ەفيردە سۇراقتارعا جاۋاپ بەردى

1020 رەت

كورسەتىلدى

1 مين

وقۋ ءۇشىن

پوليتسيا دەپارتامەنتىنىڭ باستىعىمەن كەزەكتى تىكەلەي ەفير Instagram جانە Facebook الەۋمەتتىك جەلىلەرى ارقىلى ءوتتى. بۇل جىل باسىنان بەرى پوليتسيا باسشىسىنىڭ تىكەلەي بايلانىسقا ءتورتىنشى رەت شىعۋى. قانات تايمەردەنوۆ جەلى قولدانۋشىلاردىڭ سۇراقتارىنا جاۋاپ بەرىپ, ماسەلەنى شەشۋ ءۇشىن ناقتى تاپسىرمالار بەردى دەپ حابارلادى ماڭعىستاۋ وبلىسى پد ءباسپاسوز قىزمەتى.

گۇلايىم ءداۋىتباي

ماڭعىستاۋدا پد باسشىسى تىكەلەي ەفيردە سۇراقتارعا جاۋاپ بەردى

تىكەلەي جەلى كەزىندە كەز-كەلگەن ادام ءوز سۇراقتارىن WhatsApp جانە الەۋمەتتىك جەلىلەر سياقتى بايلانىس قۇرالدارى ارقىلى جىبەرگەن.

قانات تايمەردەنوۆتىڭ ايتۋىنشا, «تىكەلەي ەفير» ازاماتتارعا ءوز ۇستانىمىن جەتكىزۋگە جانە پوليتسيا باسشىلىعىنا باعا بەرۋگە مۇمكىندىك بەرەتىن ەڭ قۋاتتى الەۋمەتتىك ساۋالناما بولىپ تابىلادى.

بۇل جولعى ەفيردە 200-دەن استام كورەرمەن قاتىستى. كوپتەگەن ادامدار جول قىزمەتى جەلىسى بويىنشا, جولداردا, قوعامدىق ورىنداردا قۇقىق بۇزۋشىلىقتار بويىنشا سۇراقتار قويدى. ەشقانداي سۇراق نازاردان تىس قالمايدى.

سونداي-اق, پايدالانۋشىلار پوليتسيا دەپارتامەنتىنىڭ باستىعىنا وبلىس تۇرعىندارىمەن تىعىز قارىم-قاتىناس جاساپ, ماسەلەلەردى شەشكەنى ءۇشىن العىستارىن ءبىلدىردى.

ماڭعىستاۋ وبلىسى