جيىنعا شىمكەنت قالاسىنىڭ اكىمى, قالالىق قحا توراعاسى عابيدوللا ءابدىراحىموۆ, شىمكەنت قالاسى ءماسليحاتىنىڭ حاتشىسى عاني تاشقاراەۆ, شىمكەنت قالالىق قازاقستان حالقى اسسامبلەياسى توراعاسىنىڭ ورىنباسارى ءمۇراتالى قالمۇراتوۆ, سونداي-اق باسقارما باسشىلارى,قالالىق اسسامبلەيا جانىنداعى قۇرىلىمداردىڭ جەتەكشىلەرى, ەتنومادەني بىرلەستىكتەردىڭ, ءدىني كونفەسسيالاردىڭ, ساياسي پارتيالار مەن ۇەۇ مۇشەلەرى, زيالى قاۋىم وكىلدەرى, جالپى 1000-عا جۋىق ادام قاتىستى.
29 ساۋىردە نۇر-سۇلتان قالاسىندا قحا-نىڭ XXVII سەسسياسىندا ۇلت بولىپ ۇيىسۋ ارقىلى العا قادام باسۋدىڭ ناقتى باعىت-باعدارى ايقىندالعان ەدى. وڭىرلىك سەسسيادا رەسپۋبليكالىق ماجىلىستە ايتىلعان وي-پىكىرلەر تاعى ءبىر سارالانىپ, ونى ىسكە اسىرۋدىڭ جولدارى ناقتىلاندى.
سەسسيادا قالا اكىمى ع.ءابدىراحىموۆ قالالىق اسسامبلەيانىڭ العاشقى سەسسياسىنىڭ اشىلۋىمەن قۇتتىقتاپ, ەلدەگى بەيبىتشىلىك پەن تاتۋلىقتى ورنىقتىرۋداعى قحا-نىڭ ماڭىزدى ءرولى مەن بەرەكەلى بىرلىگىمىزدى نىعايتۋدا العا قويىپ وتىرعان مىندەتتەرگە توقتالدى. سونىمەن قاتار, ءتيىستى مەكەمەلەر مەن ۇيىمدارعا بىرقاتار ناقتى تاپسىرمالار بەردى.
«اسسامبلەيا ەلىمىزدە بەيبىتشىلىك پەن تاتۋلىقتى ورنىقتىرۋدا ءبىتىمى بولەك ينستيتۋت بولىپ قالىپتاستى. شىمكەنت 100-دەن استام ەتنوس وكىلدەرىن باۋىرىنا باسقان ءىرى مەگاپوليس قالاعا اينالدى. قالاداعى 15 ەتنومادەني بىرلەستىكتەر قوعامداعى سان قىرلى ماسەلەلەرگە ءۇن قاتىپ, بەيبىتشىلىك پەن تاتۋلىقتىڭ ورناۋىنا ۇلەس قوسىپ كەلەدى. قالالىق قحا سوڭعى 5 ايدىڭ ىشىندە كەشەندى جۇمىستار اتقاردى. جەتىستىككە جەتۋىمىز ءۇشىن قازىر بىزگە بىرلىك, سابىر, ءبىر-بىرىمىزگە دەگەن سەنىمدىلىك كەرەك. اسسامبلەيا قوعامدىق كەلىسىمدى نىعايتۋ ماقساتىندا دا اۋقىمدى ىستەر اتقارۋدا. اتاپ ايتار بولساق, «سارقىت», «سىباعا», «شاشۋ», «اسار» سىندى قايىرىمدىلىق شارالارىن جوعارى دەڭگەيدە وتكىزدى. مەدياتسيا كابينەتىنىڭ جانە قالاداعى مەدياتورلاردىڭ ىقپالىمەن تۋىنداعان 146 داۋعا نۇكتە قويىلىپ, تاراپتار كەلىسىمگە كەلدى. «مەكتەپ مەدياتسياسى» جوباسى اياسىندا 157 پەداگوگ-پسيحولوگقا مەدياتسيانىڭ نەگىزى ۇيرەتىلدى. اسسامبلەيانىڭ «قازاقتانۋ» جوباسى اياسىندا وتكەن بيىلعى «ناۋرىز كەرۋەنى» جوباسى جۇرتشىلىق تاراپىنان جاعىمدى قابىلداندى», دەدى قالا اكىمى.
سونداي-اق, جيىندا ۇيعىر ەتنومادەني بىرلەستىگىنىڭ مۇشەسى دانيار ساسىكوۆ, ءا.قۋاتبەكوۆ اتىنداعى حدۋ ستۋدەنتى ازيز ابدۋۆاحي, شىمكەنت قالالىق ازەربايجان ەتنومادەني بىرلەستىگى توراعاسىنىڭ ورىنباسارى ارزۋ گۋربانوۆا, جاس كاسىپكەر, وزبەك ەتنومادەني بىرلەستىگىنىڭ مۇشەسى دانيار ماميرحانوۆ ءوز جەتىستىكتەرىمەن ءبولىستى.
سەسسيا سوڭىندا «بىرلىگى جاراسقان بەرەكەلى شىمكەنت» تاقىرىبىنداعى بەينەفيلم مەن قالالىق ەتنومادەني بىرلەستىكتەردىڭ قاتىسۋىمەن دايىندالعان كونتسەرتتىك قويىلىم كورسەتىلدى.
