اتاپ ايتقاندا, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قارجى نارىعىن رەتتەۋ مەن دامىتۋ جانە ميكروقارجىلىق قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا دەپۋتاتتار تاراپىنان قولداۋ تاپتى. زاڭ جوباسىنىڭ نەگىزگى ماقساتى - قارجى نارىعىن رەتتەۋ, باقىلاۋ جانە قاداعالاۋ فۋنكتسيالارىن ءبولۋ, تۇتىنۋشىلىق كرەديتتەۋ تاۋەكەلدەرىن شەكتەۋ بويىنشا تۇجىرىمدامالىق تاسىلدەردى ازىرلەۋ.
قۇجاتتىڭ نورمالارى قارجى نارىعىن رەتتەۋ مەن دامىتۋ, قارجى ۇيىمدارىن باقىلاۋ مەن قاداعالاۋ جونىندەگى فۋنكتسيالار مەن وكىلەتتىكتەردى قازاقستان رەسپۋبليكاسىنىڭ ۇلتتىق بانكىنەن جەكە مەملەكەتتىك ورگانعا بەرۋدى زاڭنامالىق تۇرعىدان بەكىتۋگە, سونداي-اق ميكروقارجىلىق قىزمەت سالاسىنداعى قوعامدىق قاتىناستاردى رەتتەۋگە باعىتتالعان.
زاڭ جوباسىن ىسكە اسىرۋ رەسپۋبليكالىق بيۋدجەتتەن جىل سايىن قارجى سەكتورىن رەتتەۋدىڭ تاۋەلسىز ورگانىن ۇستاپ تۇرۋعا شامامەن 10 ملرد تەڭگە مولشەرىندە شىعىس شىعارۋعا اكەپ سوعادى. وسى زاڭنامالىق قۇجات بويىنشا ءماجىلىس توراعاسى ن. نىعماتۋلين:
- بۇگىن ەلىمىزدىڭ الەۋمەتتىك-ەكونوميكالىق باعىتىن كۇشەيتۋ ءۇشىن تاعى ءبىر ناقتى قادام جاسالىندى. سەبەبى, وسى زاڭ جوباسى ارقىلى ەلىمىزدە قارجى نارىعىن رەتتەيتىن جاڭا مەملەكەتتىك ورگان قۇرىلاتىن بولادى. ول بارلىق قارجىلىق قىزمەتتەردى ءتيىمدى جۇزەگە اسىرۋعا جول اشادى, - دەدى.
سونىمەن بىرگە, ن. نىعماتۋلين نەسيە الاتىن, باسقا دا قىزمەتتەردى پايدالاناتىن ازاماتتاردىڭ قۇقىعىن قورعاۋدى قامتاماسىز ەتەتىن وتە ماڭىزدى زاڭ جوباسىن ەكىنشى وقىلىمعا دەيىن جان-جاقتى پىسىقتاۋ قاجەتتىگىن ايتتى.
وسى كۇنى دەپۋتتاتتار «قازاقستان رەسپۋبليكاسىنىڭ اتقارۋشىلىق ءىس جۇرگىزۋ ماسەلەلەرى بويىنشا كەيبىر زاڭنامالىق اكتىلەرىنە وزگەرتۋلەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا ماقۇلدادى.
زاڭ جوباسى اتقارۋشىلىق ءىس جۇرگىزۋ سالاسىنداعى زاڭنامانى جەتىلدىرۋگە جانە اتقارۋشىلىق قۇجاتتاردى ماجبۇرلەپ ورىنداتۋ سالاسىندا قالىپتاسىپ وتىرعان قوعامدىق قاتىناستاردى رەتتەۋگە باعىتتالعان.
سونداي-اق, وسى زاڭ جوباسىن قابىلداۋ ارقىلى جەكە سوت ورىنداۋشىلارىنىڭ قىزمەتىن جەتىلدىرۋ جانە اتقارۋشىلىق ءىس جۇرگىزۋدىڭ تيىمدىلىگىن, اتاپ ايتقاندا سوت ورىنداۋشىسى قابىلدايتىن پروتسەستىك قۇجاتتاردى, ارەكەتتەردى وڭتايلاندىرۋ ارقىلى ارتتىرۋ جانە وسى ارەكەتتەردىڭ دايەكتىلىگىن ايقىنداۋ; زاماناۋي تەحنولوگيالاردى ەنگىزۋ, اتقارۋشىلىق ءىس جۇرگىزۋ تاراپتارى ءۇشىن ماجبۇرلەپ ورىنداتۋ جۇيەسىنىڭ اشىقتىعى مەن قولجەتىمدىلىگىن ارتتىرۋ; جەكە سوت ورىنداۋشىلارىنىڭ تارتىپتىك پراكتيكاسىن جەتىلدىرۋ; «استانا» حالىقارالىق قارجى ورتالىعىنىڭ» سوت اكتىلەرىن اتقارۋشىلىق قۇجاتتار تىزبەسىنە ەنگىزۋ; مەملەكەتتىك ەڭبەك ينسپەكتورلارى جۇمىس بەرۋشىلەردىڭ جالاقى تولەمەۋ ماسەلەلەرى بويىنشا بەرگەن ۇيعارىمداردىڭ ءتيىمدى ورىندالۋىن قامتاماسىز ەتۋ سياقتى مىندەتتەردى شەشۋگە مۇمكىندىك بەرەدى.
جالپى وتىرىس سوڭىندا حالىق قالاۋلىلارى بىرنەشە دەپۋتاتتىق ساۋالدار جولدادى. ولار ە. بەكتۇرعانوۆ, ج. نۇرمانبەتوۆا, ا. پەرۋاشەۆ.
