مۇرaجاي اۋماعىندا جەكە تاقىرىپتار بويىنشا بىرنەشە الاڭ قۇرىلدى. ولاردىڭ ىشىندەگى « ۇلى دالانىڭ جەتى قىرى» اتتى اتقا ءمىنۋ مادەنيەتىنە ارنالعان الاڭنىڭ جۇرتشىلىق نازارىن ەرەكشە اۋدارعانىن ايتا كەتكەن ءجون. بۇل جەردە «كارات» ات زاۋىتىنان ەكى ات اكەلىنىپ, بالالارعا اتقا وتىرۋ, ات ۇستىندە ءوزىڭدى قالاي ۇستاۋ كەرەكتىگى تۋرالى ءدارىس بەرىلدى.
«قىمىز-پاتي» الاڭىندا ۇلتتىق سۋسىندى دۇرىس ءپىسۋ بويىنشا وتكەن شەبەرلىك سىنىبى دا كەلۋشىلەردى بەي-جاي قالدىرمادى. قوناقتار كادىمگى كۇبىدە قىمىز ءپىسىپ, ءداستۇرلى سۋسىننىڭ قالاي دايىندالاتىنىمەن تىكەلەي تانىس بولدى.
سونداي-اق, مۇراجاي قوناقتارى تۇركى جازۋى بويىنشا شەبەرلىك سىنىپتارىندا ءوز ەسىمدەرىن تۇركى تىلىندە جازىپ, ءسوز قۇراستىرۋ ەرەجەلەرى بويىنشا دارىستەر الدى. شارا سوڭىندا قاتىسۋشىلارعا «تۇركى» دەگەن جازۋى بار بىلەزىكتەر مەن ءالىپبي بار پاراقشالار ەستەلىك سىيلىق رەتىندە تابىس ەتىلدى.
مەرەكە كۇنى مۇراجاي قورى اۋعان سوعىسىنا قاتىستى جاڭا جادىگەرلەرمەن تولىقتى. قالا تۇرعىندارى سىيعا تارتقان ەكسپوناتتار قاتارىندا فوتوماتەريالدار, جەكە قۇجاتتار, ينتەرناتسيوناليست-جاۋىنگەرلەردىڭ وردەندەرى مەن مەدالدارى, اسكەري كيىمدەرى جانە باسقا دا قىزىعۋشىلىق تۋدىرار جادىگەرلەر بار.
قاراعاندى وبلىسى
