ساياسات • 16 مامىر، 2019

جەتىسۋدا جىلجىمايتىن م ۇلىك جارمەڭكەسى ءوتتى

836 رەتكورسەتىلدى

تالدىقورعان قالاسىندا تۇرعىنداردى قولجەتىمدى باسپانامەن قامتۋعا باعىتتالعان «7-20-25» مەملەكەتتىك باعدارلاماسىن تۇسىندىرۋگە ارنالعان جىلجىمايتىن م ۇلىك جارمەڭكەسى ءوتتى.

جارمەڭكەدە باعدارلامانى نەسيەلەۋ بويىنشا كوشباسشى بولىپ وتىرعان «تسەنتر كرەديت بانكى» اكتسيونەرلىك قوعامىنىڭ تالدىقورعان قالاسىنداعى فيليالىنىڭ ديرەكتورى مانات بايعونىسوۆا قارجىلاندىرۋ تەتىكتەرىن ءتۇسىندىردى.

– ءبىزدىڭ بانك مەملەكەتتىك باعدارلاما بويىنشا نەسيە بەرۋدە ۇزدىك بولىپ وتىر. ەلىمىز بويىنشا راسىمدەلگەن نەسيەنىڭ 91 پروتسەنتى «تسەنتر كرەديت بانكى» ۇلەسىندە. ال وبلىس بويىنشا ءبىز ەسەپتى كەزەڭدە جالپى قۇنى 300 ملن تەڭگە بولاتىن 18 يپوتەكالىق نەسيە راسىمدەدىك. بۇل وتە جواعرى كورسەتكىش، – دەدى مانات بايعونىسوۆا.

ال «باسپانا» يپوتەكالىق ۇيىمىنىڭ سەرىكتەس بانكتەرمەن جۇمىس جونىندەگى دەپارتامەنتىنىڭ ديرەكتورى قانات ءابدىرايموۆتىڭ ايتۋىنشا «7-20-25» مەملەكەتتىك باعدارلاماسى بويىنشا يپوتەكالىق نەسيە الۋعا 13 مىڭ ءوتىنىم قابىلدانىپ، ونىڭ اراسىنان 7633 ءوتىنىم ماق ۇلىپتى. مۇنىڭ ىشىندە ناقتى الماتى وبلىسى بويىنشا 191 ادامعا نەسيە وتكەن جىلى بەرىلگەن..

قازىر «7-20-25» باعدارلاماسىنىڭ تالاپتارىنا سايكەس كەلەتىن 2 مىڭعا جۋىق پاتەر ساتىلىمعا شىعارىلىپتى. وبلىس بويىنشا تالعار، قاراساي، ىلە اۋداندارى مەن تالدىقورعان، قاپشاعاي قالالارىندا سالىنىپ جاتقان 16 تۇرعىن ءۇي كەشەنىندەگى پاتەرلەرگە سۇرانىس بار ەكەن.



الماتى وبلىسى


سوڭعى جاڭالىقتار

ۇقساس جاڭالىقتار