ايماقتار • 16 مامىر، 2019

«اقتەرەك» اۋىلىندا 5 وتباسى باسپانالى بولدى

729 رەتكورسەتىلدى

الماتى وبلىسىنىڭ جامبىل اۋدانىنداعى اقتەرەك اۋىلى جايىندا ەل-جۇرت جاقسى ءبىلۋى ءتيىس. وسى اۋىلدا بەلگىلى مەسەنات، ەل مەن جەر جاناشىرى تەمىرلان ءشاينۇسىپوۆ تۇرادى. شاعىن اۋىلدىڭ شاشۋىن شىعارماي، «اقتەرەك» اتتى شارۋا قوجالىعىنا بىرىكتىرىپ وتىرعان شارۋاقور باسشى جىل سايىن جاڭا ءۇي سالىپ، تۇرعىنداردى تولىقتاي باسپانامەن قامتۋعا ۇمتىلىپ كەلەدى.

بىلايعى جۇرت تەمىرلان ءشايجۇنىسوۆتى «توقسان ءۇي سالعان تەمىرلان» دەپ اتايتىن ەدى. ويتكەنى، ىسكەر ازاماتتىڭ باستاماسىمەن بۇعان دەيىن سالىنعان جاڭا ۇيلەردىڭ سانى توقسانعا جەتىپ قالعان بولاتىن. تەك، تۇرعىن ءۇي قۇرىلىسى مۇنىمەن توقتامايدى. جاقىندا اقتەرەك اۋىلىندا بەس وتباسى قونىس تويىن تويلادى. باسپانالى بولعاندار وسى شارۋا قوجالىعىنىڭ ەڭبەككەرلەرى. قۋانىشقا كەنەلگەندەر قاتارىندا ؛ ايداركۇل قاسەنوۆا، ايمان قالاباەۆا، قۇندىز قىرعىزبايقىزى سياقتى كوپبالالى انالار مەن اۋعان سوعىسىنىڭ ارداگەرى جاڭابەك بايداۋلەتوۆ جانە ەڭبەك وزاتى سەرجان سەيىتوۆ بار.

- جىل اياعىنا دەيىن تاعى ءۇش باسپانانىڭ قۇرىلىسىن اياقتاساق دەپ وتىرمىز. ال الداعى جىلى قولدانىسقا بەرىلۋى ءۇشىن سەگىز ءۇيدىڭ ىرگەتاسى قۇيىلماقشى. وسىلايشا، ەل الدىنداعى ۋادەمىزدە تۇرىپ، اۋىلدىڭ بارلىق تۇرعىنىن جاڭا ۇيمەن قامتىعانشا جۇمىستى جالعاستىرامىز. ەڭبەك ەتكەن ادام ونىڭ راحاتىن دا كورۋى ءتيىس، اۋىل ادامدارى دا قالاداعىداي بابى كەلىسكەن باسپانادا تۇرۋعا قول جەتكىزسە، مەنىڭ ارمانىمنىڭ ورىندالعانى، - دەيدى «اقتەرەك» شارۋا قوجالىعىنىڭ باسشىسى تەمىرلان شاينۇسىپوۆ.

الماتى وبلىسى

باننەر
سوڭعى جاڭالىقتار

يمپورتتان نە ۇتتىق؟

ەكونوميكا • كەشە

«ەكى جۇلدىز» بايقاۋى الماتىدا باستالدى

رۋحانيات • 20 قىركۇيەك، 2019

تارازدا جەدەل بايلانىس ورتالىعى اشىلدى

ايماقتار • 20 قىركۇيەك، 2019

ليساكوۆتىڭ «بايتەرەگى»

ايماقتار • 20 قىركۇيەك، 2019

گوبەلەن – تەكتى ونەردىڭ تۋىندىسى

رۋحانيات • 20 قىركۇيەك، 2019

«مادەني قابات» جويىلعان جوق

قوعام • 20 قىركۇيەك، 2019

شاحماردان تەربەلگەن تالبەسىك

رۋحانيات • 20 قىركۇيەك، 2019

ۇقساس جاڭالىقتار