ايماقتار • 16 مامىر، 2019

«استانا» حك جاسوسپىرىمدەر اراسىندا قازاقستان چەمپيونى اتاندى

655 رەت كورسەتىلدى

استانالىق حوككەي مەكتەبى 2014/2015 ماۋسىمدا دا ۇزدىك دەپ تانىلعان بولاتىن دەپ حابارلايدى قالا اكىمدىگىنىڭ رەسمي سايتى.

شايبالى حوككەيدەن «استانا» كومانداسى (ا توبى) وسكەمەندە اقتىق ويىنداردا جەڭىسكە جەتىپ، قازاقستان چەمپيونى اتاندى. 

ەلوردالىق №10 مامانداندىرىلعان بالالار-جاسوسپىرىمدەر سپورت مەكتەبىنىڭ (№10 مبجسم) شاكىرتتەرى قورىتىندى كەزەڭدە ەشكىمگە ەسە جىبەرمەي، التىنعا قول جەتكىزدى. وسكەمەندىك «تورپەدو» كومانداسى كۇمىس مەدالمەن ەكىنشى ورىنعا تۇراقتادى. ال، استانالىق «بارىس» شايبالى حوككەيدەن ەل چەمپيوناتىنىڭ قولا جۇلدەسىنە يە بولدى. 

«ايتا كەتەيىك، 2018/2019 ماۋسىمدا №10 مبجسم حوككەيشىلەرى 28 كەزدەسۋ وتكىزدى، ونىڭ تەك بىرەۋىندە جەڭىلىس تاپقان. كوماندا 75 ۇپاي جيناپ، 188 شايبانى قارسىلاستار قاقپاسىنا ءدوپ كىرگىزگەن. سونىمەن قاتار، نۇر-سۇلتان قالاسىنىڭ سپورتشىلارى ۇزدىكتەر قاتارىنان دا تابىلدى. شابۋىلداۋشىلار ىشىندە ەلوردالىق كوماندا كاپيتانى تەمىرلان كيتاروۆ كوش باستادى. ول گول+پاس جۇيەسى بويىنشا 58 (25+33) ۇپاي جينادى. ال، قورعاۋشىلار اراسىندا №10 مبجسم وكىلى دميتري برەۋس 49 (24+25) ۇپايمەن ءبىرىنشى ورىن الدى»، – دەپ مالىمدەدى مادەنيەت جانە سپورت باسقارماسىندا. 

استانالىق حوككەي مەكتەبىنىڭ بۇدان وزگە دە جەتىستىكتەرى بار. نۇر-سۇلتان قالاسى اكىمدىگىنىڭ حوككەي مەكتەبى 2014/2015 ماۋسىمدا دا ۇزدىك دەپ تانىلعان بولاتىن.

سوڭعى جاڭالىقتار

قاي سالادا جالاقى ءوستى؟

ەكونوميكا • كەشە

رەسەي ازاماتتارى العىس ايتتى

ايماقتار • 26 اقپان، 2021

ۇقساس جاڭالىقتار