ەڭ قىزىعى – قار ۇستىندەگى كۇرەس

وتكەن سەنبى كۇنى استانانىڭ بەل ورتاسىن ءبولىپ تۇرعان ەسىل وزەنى ۇستىندە ءداستۇرلى “بۇرقاسىن – 2010” شاڭعى فەستيۆالى ءوتتى. بىردەن ايتار بولساق, بۇل شاڭعى فەستيۆالى دەگەن اتى بولماسا, شىن ءما­نىن­دە ونى بىرنەشە سپورت ءتۇرىن قام­تى­عان بۇقارالىق سپورت مە­رە­كە­سى دەۋگە بو­لادى. ءداستۇرلى شاڭعى جۇگىرىسى باس­تال­ماي تۇرىپ بالالاردىڭ دوپتى حوككەي, شورت-ترەك, مانەرلەپ سىرعاناۋ, دارتس سا­­­يىس­تارىنا كوزايىم بولدىق. ەڭ قى­زىعى قار ۇستىندەگى كۇرەس بولدى. كادىمگى قار ۇستىندە ءبىرىن-ءبىرى الىپ-سوعىپ جات­قان بالۋانداردىڭ قىستىڭ ىز­عارىنان جاۋراعانىن بايقامادىق, قايتا كۇ­رەس­كەن سايىن بۋ-بۋ بولىپ بۇرقىراپ بەل­دەسەدى. ۇزىن سانى مىڭعا جۋىق اۋەسقوي سپورت­­شى­لاردى توعىستىرعان “بۇر­قا­سىن” فەستيۆالىن استانا قالاسى تۋريزم, دەنە تاربيەسى جانە سپورت باس­قار­ما­سىنىڭ باستىعى ايتالاپ قور­عامباەۆ اشىپ, وسى شاراعا ارنايى قاتىسقان تۋريزم جانە سپورت مينيسترلىگى سپورت كوميتەتى توراعاسىنىڭ ورىنباسارى ەلسيار قانا­عاتوۆ  جينالعان بارشا قاۋىمدى ءداستۇرلى سپورت مەرەكەسىمەن قۇتتىقتاپ, مۇنداي شارالار ەلباسىنىڭ بيىلعى جولداۋىنا قاتىستى ايقىن­دال­عان مىندەتتەردى ورىنداۋدىڭ يگى باستاماسى بولىپ وتىرعانىن اتاپ ءوتتى. شاڭعى جارىسىنىڭ ءبىرىنشى باسە­كە­سىنە ەركىن قيمىلعا مۇمكىندىگى شەك­تەۋلى, ياعني مۇگەدەك قاتا­رىن­داعى ازا­ماتتار شىقتى. بۇل باسە­كەگە نەگىزىنەن قالا­داعى “قايسار” مۇگەدەك سپورت­شىلاردىڭ ارنايى مەك­تەبىنىڭ تاربيە­لە­نۋ­شىلەرى قاتىسقانىن اتاپ وتكىمىز كە­لەدى. ەسىلدىڭ ۇستىنە جينالعان بارشا جانكۇيەرلەردىڭ قىزۋ قولداۋىمەن وتكەن بۇل جارىستا مارات ەر­مەك­باەۆ چەمپيون اتانسا, ونىڭ كوماندالاس سەرىكتەرى سەرگەي ياكوۆلەۆ پەن اناتولي كو­­جە­مياكين ەكىنشى جانە ءۇشىنشى ورىن­داردى ءبولىستى. ناعىز قايسارلىق تا­نىتقان بۇل سپورتشىلاردى استانا قالاسى اكىمىنىڭ ورىن­باسارى ايدا بالاەۆا ەرەكشە ىلتيپاتپەن قۇت­تىق­تاپ, باعالى سىيلىقتار تابىس ەتتى. وسىدان كەيىن سايىس جولىنا الدى الپىس­تان اسقان, سوڭى جەتپىسكە جەتكەن ارداگەرلەر ءتۇستى. تاعى دا جان­كۇيەر قاۋىمنىڭ قولپاشتاۋى كۇ­شەيدى. بۇل جارىستا سەرگەي تيشكوۆ پەن سايىن يمانعاجين سىندى ار­داگەرلەر جەڭىس تۇعىرىنان كورىندى. ال قالعان جەتى قا­شىق­تىق بويىنشا وتكەن سايىستاردا ايعانىم جۇ­ماعۇلوۆا, ءىلياس جۇما­عۇلوۆ, كاميلا باراننيك, ان­­درەي گري­نيك جانە باسقالارى ءداستۇرلى جارىس­تىڭ ءجۇل­دەلەرىنە يە بولدى. داستان كەنجالين.