قازاقستان • 15 مامىر، 2019

تالوندىق جۇيە نەسيەلەۋدى تەزدەتەدى

777 رەت كورسەتىلدى

بيىل 1 قاڭتاردان باستاپ «اۋىل شارۋاشىلىعىن قارجىلاي قولداۋ قورى» اق كليەنتتەرگە قىزمەت كورسەتۋدىڭ تالوندىق جۇيەسىن ەنگىزگەن بولاتىن. كليەنتتەرگە نەسيە الۋ ءۇشىن ءوتىنىم تاپسىرعان كەزدە جوسپارلانعان نەسيە بويىنشا نەگىزگى مالىمەتتەر كورسەتىلگەن تالوندار بەرىلىپ جاتىر. قازىرگى ۋاقىتتا بۇل تالوندىق جۇيە شارۋاشىلىق باستاۋعا ءوتىنىم بەرۋشىلەر ءۇشىن وتە ءتيىمدى ەكەنىن كورسەتىپ وتىر.

بۇل جۇيە نەسيەلەۋ ءوتىنىم­دەرىن قاراستىرۋ اشىق­­­تىعىن قامتاماسىز ەتەدى. تالوندا نەسيەلەۋ شارتتارى، تاپسىرىلعان قۇجاتتاردىڭ ءتىزىمى، ءوتىنىم بەرىل­گەن كۇنى مەن ءوتىنىمدى قا­راس­تىرۋ اياقتالاتىن كۇن كور­سەتىلەدى. ءوتى­نىمدى قاراستىرۋ بويىنشا بيزنەس-پروتسەسس تو­لى­عىمەن سايتتا كورسەتىلەدى. كليەنت ءوز ءوتىنىمىنىڭ جولىن kazagro.kz پورتالىنا ءتىر­كەلىپ، كورە الادى. 

تالوندا كليەنتتىڭ اتى مەن­ نەسيەلەۋ باعدارلاماسى، قار­­جى­لاندىرۋ كوزى، سوما، پروتسەنتتىك ءۇس­تەمە، نەگىزگى بورىش پەن سىياقى بويىنشا جەڭىلدەتىلگەن مەرزىم، ءوتىنىمدى قابىلداعان مەنەدجەردىڭ ءما­لىمەتتەرى مەن بايلانىس تەلەفونى كورسەتىلەدى. تالون كليەنت­تىڭ قارجىلاندىرۋعا قاجەتتى قۇ­­جاتتار پاكەتىن تاپسىرعانىن ءدا­­لەل­دەيدى. تالون باسىلعاننان كەيىن نەسيەلەۋ ءوتىنىمى قاراستى­رۋعا جىبەرىلەدى. كليەنت kazagro.kz پورتالىنداعى جەكە كابينەتكە كىرىپ، ءوز ءوتىنىمى بويىنشا ءجۇرىپ جاتقان پروتسەستى بىلە الادى.

«تالوندىق جۇيەنىڭ نەگىزگى ارتىقشىلىقتارىنىڭ بىرىنە توقتالاتىن بولساق، بۇرىن كليەنت نەسيە ءوتىنىمىن تاپسىرىپ، ۇزاق ۋاقىت جاۋاپ كۇتەتىن. قۇ­جات­تاردىڭ تولىق پاكەتىن تاپ­سىر­عانىن راستاي المايتىن. جا­ۋاپتى قىزمەتكەردەن بەلگىلى ءبىر مەرزىمنەن كەيىن جاۋاپ الا ال­مايتىن. كليەنتكە وتىنىمىنە قاتىستى كىمنەن نە سۇراۋ كەرەك­تى­گىن ءبىلۋ قيىنعا تۇسەتىن. ال تا­لوندىق جۇيەدە تاپسىرىلعان ءوتى­نىممەن تىكەلەي اينالىساتىن قىزمەتكەردىڭ اتى-ءجونى، بايلانىس تەلەفونى كورسەتىلەدى»، دەيدى «اۋىل شارۋاشىلىعىن قار­جىلاي قولداۋ قورى» اق نەسيەلەۋ دەپارتامەنتىنىڭ ديرەكتورى گەررارد باال.

تاعى ءبىر ماسەلەنى ايتا كەتكەن ءجون. بۇل – ءوتىنىم تاپسىر­عان­نان باستاپ، كليەنتتىڭ نەسيە الۋىنا رۇقسات بەرىلگەنگە دەيىنگى ارالىقتا كەتەتىن ۋاقىت ماسەلەسى.

«كوپ جاعدايدا ۋاقىت كە­پىل­دىككە قويىلاتىن م ۇلىكتى زاڭ­داستىرماعاندىقتان سوزىلىپ كەتەدى. مىسالى، كەيبىر ادام­داردىڭ اۋلاسىندا قوراسى بول­عانىمەن، بۇل تەحپاسپورتتا كورسەتىلمەۋى مۇمكىن. ياعني، مال ۇستايتىن قوراسى قۇجاتپەن زاڭ­داستىرىلۋى شارت. بۇدان باسقا دا كەپىلدىككە قوياتىن جەر ۋچاسكەلەرى، تەحنيكالارى جانە تاعى باسقا دا م ۇلىكتەرى زاڭ­داس­تىرىلعان بولۋى ءتيىس. سون­دىقتان، ءوتىنىمدى قاراۋ ۋاقىتى قۇجاتتاردى تولىق جيناپ، ءوتى­نىم تاپسىرىلعان كۇننەن باس­تاپ ەسەپتەلەدى. سونىمەن قا­تار وتىنىمدەردى قاراۋ مەرزىمى وڭ­­­تاي­­­لاندىرىلدى»، دەيدى نەسيەلەۋ دەپارتامەنتىنىڭ ديرەكتورى گ.باال.

بيىل ءوتىنىم بەرگەن زاەمشى­لار العاش رەت تالوندىق جۇيەنى پاي­دالانىپ، ونىڭ ارتىق­شى­لىق­تارىنا كوز جەتكىزدى. بۇل جۇيەنى بۇرىنعىلارمەن سالىس­تىرۋعا مۇلدە كەلمەيدى. الىس اۋىلداردا تۇراتىن شارۋالار جولعا اقشا شىعارىپ، ۋاقىتىن كەتىرىپ سابىلمايتىن بولدى. مۇنىڭ الدىندا قوسىمشا سۇراق تۋىنداسا نەمەسە كەيبىر تالاپتاردى تۇسىنبەي جاتسا، كەڭسەگە كەلۋگە جانە كەزەككە تۇرىپ ۋا­قىت جوعالتۋعا تۋرا كە­لە­تىن. ال تالوندىق جۇيە – ءوتىنىمنىڭ قا­رالۋ پروتسەسىن اۋىلدا وتىرىپ-اق كورۋگە مۇمكىندىك بەرەتىن قا­راپايىم جۇيە. اسىرەسە شالعاي اۋىلداردا تۇراتىن ازا­­ماتتار ءۇشىن وتە قولايلى. سون­دىقتان، نەسيە الۋعا ءوتىنىم بە­رەمىن دەۋ­شىلەر وسى جۇيەنى مەڭ­گەرىپ العاندارى ابزال. بۇل ءۇشىن وبلىس ورتالىقتارىنداعى، نۇر-سۇلتان، الماتى جانە سە­مەي قالالارىنداعى «اۋىل شارۋا­شى­لىعىن قارجىلاي قولداۋ قو­رى» اكتسيونەرلىك قوعامىنىڭ في­ليال­دارىنا حابارلاسۋ قاجەت نەمەسە بارىپ تولىق مالىمەت العان دۇرىس. الدىن الا كەڭەستى 8 800 080 3505 تىكەلەي جەلى تەلەفونى ارقىلى الۋعا بولادى.


سوڭعى جاڭالىقتار

رۋحاني قازىنانىڭ قاينارى

قازاقستان • كەشە

بالا ءسۇيۋ – باقىت

قوعام • كەشە

اعا-دوستى اڭساۋ

ونەر • كەشە

اتىراۋشا اقشا «اساۋ»

ايماقتار • كەشە

ميزامشۋاق

فوتوگالەرەيا • كەشە

استىق ءتۇسىمى تومەن - اشم

قازاقستان • كەشە

ۇقساس جاڭالىقتار