بۇگىندە ەلىمىز بالالار دەنساۋلىعىنا ەرەكشە ءمان بەرىپ وتىر. تاعدىر جازۋىمەن توسەككە تاڭىلعان, اقىل-وي, دەنە دامۋىندا اۋىتقۋى بار بالالار مەملەكەت قامقورلىعىنان تىس قالماق ەمەس.
2017 جىلى پايدالانۋعا بەرىلگەن كوپبەيىندى اۋرۋحانا سونىڭ بار ايعاعى. اۋرۋحانادا 11 ءبولىم, 5 وپەراتسيالىق بلوك, رەانيماتسيالىق جانە انەستەزياعا ارنالعان بولىمدەر بار. سونداي-اق مۇندا كەڭەس بەرۋ-دياگنوستيكالىق ءبولىمى جۇمىس ىستەيدى. اۋرۋحانا زاماناۋي مەديتسينالىق قۇرال-جابدىقتارمەن تولىق قامتىلعان. ماماندار شەتەلدىك كلينيكالاردا بىلىكتىلىگىن ارتتىرعان.
وبلىستىق اۋرۋحانانىڭ باس دارىگەرى زويا كوشەنوۆا مەملەكەت باسشىسىنا وسىنداعى جاعدايدى بايانداپ بەردى. جوعارى مەديتسينالىق قۇرال-جابدىقتار جەتىسپەگەن بۇرىنعى كەزدەرى قىزىلوردالىق بالالار الماتى, استانا قالالارىنا جولدامامەن بارىپ ەمدەلەر ەكەن. قازىر دارىگەرلىك كومەك قولجەتىمدى, مەديتسينالىق قوندىرعىلار حالىقارالىق ستاندارتتارعا نەگىزدەلگەن. كوپ سالالى بالالار اۋرۋحاناسى كۇردەلى وتالار بولماسا بارلىق ەم-دومدى وزدەرى جاسايدى.
