ءىىو جاڭعىرتۋ بويىنشا 2019-2021 جىلدارعا ارنالعان جول كارتاسىن ىسكە اسىرۋ شەڭبەرىندە اعىمداعى جىلدىڭ قاڭتار ايىنان باستاپ پوليتسيانىڭ بارلىق بولىمشەلەرىندە ازاماتتاردى قابىلداۋ بولمەسى جۇمىسىن باستادى. بۇل جۇرتشىلىقپەن اشىقتىقتى جانە ءتيىمدى ءوزارا ءىس-قيمىلدى قامتاماسىز ەتەدى.
بۇگىن ءبىرىنشى باسشىنىڭ قابىلداىنا ءتورت ازامات كەلدى, ولار زاڭنامالىق, قىلمىستىق ىستەردى تەرگەۋ جانە ت.ب. سۇراقتار بويىنشا جۇگىندى. مىسالى, ەرلى-زايىپتى دوتسەنكولار ۇزاق ۋاقىت بويى جالعا بەرەتىن كورشى پاتەرگە شاعىمدانىپ كەلدى. ايتۋلارىنشا, كورشىلەرى مەزگىلسىز تىنىشتىق بۇزىپ, جۇرتتىڭ بەرەكەسىن الادى. بۇل بويىنشا تالاي شاعىم دا تۇسىرگەن. بىراق جالعا بەرىلەتىن پاتەردە تىنىشتىق ورناعان ەمەس. پوليتسيا دەپارتامەنتىنىڭ باستىعى بەكەت ايماعامبەتوۆ قىزمەتكەرلەرگە بۇل فاكتىلەردى جۇيەلى تۇردە قاراپ, شۇعىل شارالار قابىلداۋدى تاپسىردى.
تاعى ءبىر ءوتىنىش لاريسا دەگتيارەۆانىڭ شاعىمى بولدى. ول قىلمىستىق ءىستى تەرگەۋ ساپاسىنا شاعىمداندى. وعان جۇرگىزىلگەن تەرگەۋ ارەكەتتەرى جونىندە تۇسىنىكتەمە بەرىلدى, سونىمەن قاتار, ونىڭ تاعى ءبىر ءوتىنىشى قابىلدانىپ, قىلمىستىق ءىس ماتەريالدارىنا قوسىلدى.
پوليتسيا دەپارتامەنتىنىڭ فرونت-كەڭسەسىنە كۇن سايىن 20-عا جۋىق ازامات كەلەدى. ولاردىڭ بارلىعى قاجەتتى كەڭەس الىپ, ماسەلەلەرى شەشىمىن تاۋىپ جاتىر. مۇنى تاۋەلسىز جۋرناليست اركادي دەنيسوۆ تا ەرەكشە اتاپ ءوتتى. ونىڭ ايتۋىنشا, فرونت-كەڭسەلەر ازاماتتاردىڭ ءوز ماسەلەلەرىن جەدەل شەشۋگە مۇمكىندىك بەرەدى.
فرونت-كەڭسەدە 11 مەملەكەتتىك قىزمەت كورسەتىلەدى: كوشى-قون قىزمەتى جەلىسى بويىنشا (شەتەل ازاماتتارىن تىركەۋ, شەتەل ازاماتتارى ءۇشىن شاقىرۋدى رەسىمدەۋ, شەتەل ازاماتتارى ءۇشىن ۆيزالاردى بەرۋ جانە ۇزارتۋ), اكىمشىلىك پوليتسيا جەلىسى بويىنشا (اۆتوكولىكتى قايتا جابدىقتاۋ بويىنشا وتىنىشتەردى قابىلداۋ, ازاماتتىق جانە قىزمەتتىك قارۋ اينالىمى ماسەلەسى بويىنشا وتىنىشتەردى قابىلداۋ). تولىق اقپارات الۋ ءۇشىن "ازاماتتارعا ارنالعان قابىلداۋ بولىمىندە" ءار بولىمشەمەن بايلانىسۋ ءۇشىن جاۋاپتى تۇلعالاردىڭ تەلەفون نومىرلەرى كورسەتىلگەن.
سونداي-اق قۇجاتتامالىق قامتاماسىز ەتۋ ءبولىمىنىڭ ماماندارى دا جەكە جانە زاڭدى تۇلعالاردان وتىنىشتەر قابىلدايدى.
