«مۇندا قازىر 9 قىزمەت كورسەتۋشى كەلۋشىلەردىڭ سۇراقتارىنا ءوزىنىڭ باعىتى بويىنشا جاۋاپ بەرەدى. مىسالى, جەر قاتىناستارى, تۇرعىن ءۇي, ارحيتەكتۋرا, الەۋمەتتىك قورعاۋ,جۇمىسپەن قامتۋ باسقارمالارىنىڭ وكىلدەرى وزدەرىندە قانداي قىزمەت كورسەتتى ءدال سولاي جۇمىس ىستەيدى. وسى باسقارمالار قالانىڭ ورتالىعىندا بولعانمەن ءار كوشەدە ورنالاسقان. ولار ارقايسىسىنا بارادى, كەرەك سۇراعىنا جاۋاپ العانشا قانشا كۇتەدى, ال قازىر قالا تۇرعىندارى وسى ءبىر عيماراتقا كەلەدى جۇمىسىنىڭ بارلىعىن ءبىر كابينەتتەن بىتىرەدى», دەيدى مەملەكەتتىك قىزمەت مونيتورينگىن ىشكى باقىلاۋ قىزمەتىنىڭ باسشىسى سامات ءجاندىلدين.
كومەك الاڭىنىڭ اشىلۋىن وبلىس اكىمى ارحيمەد مۇحامبەتوۆتىڭ ءوزى كەلىپ كوردى. مەملەكەتتىك قىزمەت جانە سىبايلاس جەيقورلىققا قارسى ءىس-قيمىل دەپارتامەنتىنىڭ باستىعى سالاۋات مۇكسىموۆ ءوڭىر باسشىسىنا وسى ورتالىق ارقىلى ەلەكتروندىق قىزمەت ۇلەسى كوبەيتىلەتىنىن باياندادى. وتكەن جىل قىزمەتتىڭ 10 پروتسەنتى ەلەكتروندىق بولسا, بيىل ونى 70 پروتسەنتكە دەيىن ءوسىرۋدى ماقسات قويىپ وتىرعانىن ايتتى.
«وتە دۇرىس. بۇل ەلباسىنىڭ 2017 جىلى قاڭتاردا قازاقستان حالقىنا جولداعان جولداۋىندا ايتقان تاپسىرماسى بولاتىن. مىسالى ءبىلىم سالسىندا تۇرعىندار ەلەكتروندىق قىزمەت ارقىلى بالاسىنىڭ بالا باقشاعا تۇرعان كەزەگىن ءوزى قاداعالاپ وتىرادى. ەڭ باستىسى ادامدارعا ساپالى قىزمەت كورسەتىلۋى ءتيىس», دەدى ارحيمەد بەگەجان ۇلى. كومەك الاڭى عيماراتىنىڭ ىشىندە قالا اكىمىنە دە شاعىن كابينەت جاساقتالعان. وعان قاجەتتىلىك بولعان كەزدە, قالا اكىمى كەلىپ تۇرعىنداردى قابىلداۋىنا بولادى.
كومەك الاڭىندا ازىرگە قىزمەتتىڭ 85 ءتۇرى كورسەتىلەدى. ول الداعى ۋاقىتتا 103-كە جەتەدى. ال قىزمەت كورسەتۋ تۇرلەرىنىڭ بارلىعى ەلەكتروندىق ۆاريانتقا كوشكەندە ول ارقىلى 50 مىڭ ءتۇرلى قىزمەت ءتۇرى كورسەتىلەدى.
