1 مامىر كۇنى تۇنگى 1 ساعات 24 مينۋتتا ەلدەگى سوڭعى جىلۋ-ەلەكتر ورتالىعى ەلەكتر قۋاتىن ءوندىرۋ ءۇشىن كومىر جاعۋدى توقتاتقان ەدى. ءسويتىپ, كومىرمەن جۇمىس ىستەيتىن العاشقى جىلۋ-ەلەكتر ورتالىعى ىسكە قوسىلعان 1882 جىلدان بەرى اعىلشىندار تۇڭعىش رەت ءبىر اپتا بويى تاس كومىردى پايدالانباعان. ولار ەلەكتر قۋاتىن الۋ ءۇشىن بالاما ەنەرگيا كوزدەرىن قولدانىپ جاتىر. بۇل شارا قورشاعان ورتانى لاستاۋدىڭ مولشەرىن ازايتۋ ءۇشىن ۇيىمداستىرىلعان. ءارى جۇيەلى تۇردە جالعاسىپ كەلە جاتىر. اعىلشىندار جىل سايىن كومىردى ەنەرگيا كوزى رەتىندە قولدانۋدى ازايتىپ كەلەدى.
ۇلىبريتانيانىڭ ۇلتتىق جەلىلىك كومپانياسىنىڭ (NGE) جۇيەلىك وپەراتسيالار بويىنشا ديرەكتورى فينتان سلايدىڭ ايتۋىنا قاراعاندا 2025 جىلعا قاراي ەلدەگى ەلەكتر قۋاتىن ءوندىرۋ تولىقتاي قالپىنا كەلتىرىلەتىن نەمەسە قورشاعان ورتاعا زيانسىز ەنەرگيا كوزدەرىن پايدالانۋعا كوشىرىلمەك ەكەن. ماماندار ەلدىڭ ءبىر اپتا بويى تۇتىنعان ەنەرگياسىن وندىرۋدە تابيعي گازدىڭ ۇلەسى مول بولعانىن ايتادى. 1 مامىر مەن 8 مامىر ارالىعىندا 45% ەنەرگيا گازدى پايدالانۋ ارقىلى وندىرىلگەن. 21% ەنەرگيانى اتوم ەلەكتر ستانسالارى وندىرسە, 11% ەنەرگيا جەلدىڭ ۇلەسىنە تيگەن. ەل 10% كولەمدەگى قۋاتتى سىرتتان يمپورتتاپتى. بيوماسسالار ارقىلى وندىرگەن ەنەرگيانىڭ كولەمى 6%, كۇن ەنەرگياسى 6%-دى قۇراعان. گيدروەنەرگيانىڭ ۇلەسى 1% بولسا كەرەك.
