ايتۋلى مادەني شاراعا قالا اكىمى عابيدوللا ءابدىراحىموۆ قاتىسىپ, مەگاپوليس تۇرعىندارى مەن قوناقتارىن قۇتتىقتادى. «قىزعالداق فەستيۆالى قالامىزدا حالىقارالىق دەڭگەيدە تۇڭعىش رەت ۇيىمداستىرىلىپ وتىر. قىزعالداقتىڭ مەكەنى – ەلىمىزدىڭ وڭتۇستىگى ەكەنىن ماقتانىش ەتەمىز. سوندىقتان وسىناۋ اسەم گۇلدى برەندىمىزگە اينالدىرىپ, الەم قىزعالداق ارقىلى شىمقالانى تانىپ-بىلسە دەگەن ماقساتپەن فەستيۆالدى ۇيىمداستىردىق», دەدى شاھار باسشىسى.
فەستيۆال اياسىندا ارباتتا تۇرعىزىلعان شەبەرلەر قالاسىندا ورەندەر ەڭبەگىمەن ەل القاۋىن العان ءورت ءسوندىرۋشى, پوليتسيا, دارىگەرلەر سەكىلدى ماماندىق يەلەرىمەن جۇزدەسىپ, اتالعان كاسىپتەرىنىڭ قىر-سىرىنا قانىقتى.
شىمكەنتتى گۇلگە وراعان فەستيۆال كەشكە دەيىن جالعاسىپ, فلوريستەر شەبەرلىك ساباق وتكىزدى. مەرەكەلىك دۋماننىڭ سوڭى ەسترادا جۇلدىزدارىنىڭ كونتسەرتتىك باعدارلاماسىنا ۇلاستى.
شىمكەنت
