وزەنگە كوپىر سالىنسا
ءبىزدىڭ اۋدان حالقىنىڭ ارمانى كوپىر سالۋ ماسەلەسى بولىپ وتىر. ەرتىس وزەنىنە كوپىر سالىنسا, نۇر ۇستىنە نۇر جاۋعان بولار ەدى دەيدى اۋىل قاريالارى.
بۇل 1960 جىلداردان بەرگى كۇرشىم, مارقاكول, ۇلكەن نارىن, كاتونقاراعاي اۋداندارىنىڭ تاۋسىلمايتىن ءۇمىتى ەدى. التاي ءوڭىرىنىڭ باۋىرىندا ورنالاسقان ءتورت اۋداننىڭ بارلىعى مال ءوسىرىپ, ۇكىمەتكە مىڭداعان توننا استىق, ەت, ءسۇت, بال, بالىق وتكىزىپ وتىردى. وسى كۇنگە دەيىن استىق ءوندىرۋ ءسال تومەندەسە دە, باسقا تابيعات بايلىقتارى وندىرىلۋدە. 1997 جىلى مارقاكول اۋدانى كۇرشىم اۋدانىنا قوسىلىپ, قازىر كۇرشىم اۋدانى بولىپ وتىر. ەكى اۋدان قوسىلعاندا حالىق سانى 60 مىڭنان اسىپ تۇرسا, قازىر اۋداندا 24 مىڭنان اسپايدى. ونىڭ سەبەبى, وبلىس ورتالىعىنا قاتىناۋ قيىن, ون ەكى ايدىڭ ءۇش ايىندا (جەلتوقسان, قاڭتار, اقپان) تەگىن مۇزبەن وتەدى دە, قالعان توعىز ايدا پاروم ارقىلى وتەدى. قونىس اۋدارعانداردىڭ قايتا اۋىلعا ورالىپ جاتقاندارى دا بار.
وسى كوپىر ماسەلەسى اۋدانىمىزدىڭ 90 جىلدىق مەرەكەسىندە دە ايتىلدى. ىسساپارمەن ءبىزدىڭ اۋدانعا كەلگەن پارلامەنت دەپۋتاتتارى بۇل ماسەلە جونىندە ماعلۇمات الىپ, ىسكە اسىراتىن جۇمىس ەكەنىنە توقتالىپ ءوتتى. ايتارىمىز – وزەنگە كوپىر سالىنسا ءدۇيىم جۇرتتىڭ ىقىلاسىنا بولەنەر ءبىر يگى شارا جۇزەگە اسقان بولار ەدى.
التىنعازى ماديەۆ,
زەينەتكەر
سىردىڭ سۇڭقار اقىنى
كورنەكتى اقىن ءابدىلدا تاجىباەۆتىڭ جاۋھار جىرلارى مەن شىنايى پوەتيكالىق تۋىندىلارىن كوپشىلىك وقىرمان قاۋىمىنا تانىستىرۋ, جاستاردى ۇلتجاندىلىققا تاربيەلەۋ جانە قالامگەردىڭ وسكەلەڭ ۇرپاققا ارنالعان ءورشىل رۋحتى شىعارمالارىن ناسيحاتتاپ, ادەبيەتكە دەگەن قىزىعۋشىلىعىن ارتتىرۋ ماقساتىندا س.بايىشەۆ اتىنداعى اقتوبە وبلىستىق امبەباپ عىلىمي كىتاپحاناسى اقىننىڭ 110 جىلدىعىنا وراي «حالقىم دەپ سوقتى جۇرەگى» اتتى ادەبي كەشىن ۇيىمداستىردى.
اقمارال مۇقاشەۆا,
س.بايىشەۆ اتىنداعى اقتوبە وبلىستىق امبەباپ عىلىمي كىتاپحاناسىنىڭ قىزمەتكەرى
تىم تومەندەمەڭدەرشى...
ءبəرىمىز پەندەمىز عوي, پەرىشتە كوكتە عانا. بىراق پەندە ەكەنبىز دەپ تىم تومەندەپ كەتپەيىكشى. مىڭ جەردەن پەندە بولساق تا اقشا, مانساپ دەگەن دۇنيە-شىرىكتەردەن بيىك تۇرۋىمىز كەرەك ەمەس پە؟ مەن كەشە بار ءومىرىنىڭ ءمəنىن مانساپ دەگەن شىركىنگە بايلاپ قويعان مىسكىندەردى كوردىم. «ديرەكتور بولا الماي قالىپ ەدىم, دەنساۋلىعىم كۇرت تومەندەپ كەتتى» دەپ جىلامسىراعان, دۇنيە دەگەنگە əبدەن بىلعانعان, ديرەكتور بولسام دەگەن ۇمىتپەن ادامگەرشىلىكتەن اتتاپ, ادام تاعدىرىمەن ويناعىسى كەلەتىن پەندەلەردى كوردىم. كوپكە توپىراق شاشپايمىن. ناعىز ازاماتتىق تانىتقاندار دا بولدى.
