جىلان جىلى نەمەسە 1905, 1917, 1929, 1941, 1953, 1989…
سەيسەنبى, 1 قاڭتار 2013 7:50
ادامنىڭ ايتقانى بولا ما الدە اللانىڭ دەگەنى بولا ما؟! قۇدايعا شۇكىر, اقىرزامان بولمادى, زاماناقىر كەلگەن جوق. مىنە, جىلان جىلى دا سۋسىپ كىرىپ كەلدى. ال جۇلدىزناماشىلار نە دەيدى؟
استرولوگيالىق بولجامداردىڭ ءتۇرى كوپ, بىراق, ولاردىڭ ىشىندە ءۇش مىڭ جىلدان استام تاريحى بار شىعىس كۇنتىزبەسى ەڭ ءدال سانالاتىندىقتان,سولاردىڭ ساۋەگەيلىگىنە سۇيەنىپ كورەيىك.
سەيسەنبى, 1 قاڭتار 2013 7:50
ادامنىڭ ايتقانى بولا ما الدە اللانىڭ دەگەنى بولا ما؟! قۇدايعا شۇكىر, اقىرزامان بولمادى, زاماناقىر كەلگەن جوق. مىنە, جىلان جىلى دا سۋسىپ كىرىپ كەلدى. ال جۇلدىزناماشىلار نە دەيدى؟
استرولوگيالىق بولجامداردىڭ ءتۇرى كوپ, بىراق, ولاردىڭ ىشىندە ءۇش مىڭ جىلدان استام تاريحى بار شىعىس كۇنتىزبەسى ەڭ ءدال سانالاتىندىقتان,سولاردىڭ ساۋەگەيلىگىنە سۇيەنىپ كورەيىك.
ءاۋ دەگەننەن, ارقايسىسى سويلەيتىن جوعارىداعى جىلداردى تىزبەكتەپ جۇرتتى شوشىتۋدان اۋلاقپىز. جىلاننىڭ دا جىلانى بار. ەسىكتەن ەنگەن جىل قارا سۋ جىلانى ەكەنىن ەسكەرسەك, وندا سۋ جىلانى جىلىندا ەكىنشى دۇنيەجۇزىلىك سوعىستىڭ نۇكتەسى قويىلدى ەمەس پە؟! ال الەمدى سۋدان بولەك بيلەپ تۇرعان تاعى ءتورت ستيحيا – جەر, وت, اۋا, مەتالل بار.
سوناۋ 1905 جانە 1917 جىلدارداعى توڭكەرىستەر, 1929 جىلعى الەمدىك ەكونوميكالىق داعدارىس, 1941 جىلى ۇلى وتان سوعىسىنىڭ باستالۋى, 1989 جىلى كسرو كۇيرەۋى, ەۋروپادا بەرلين قابىرعاسىنىڭ قۇلاۋى نەمەسە سول جىلعى قىتايداعى قاندى وقيعا, بولماسا 2011 جىلعى اقش-تا ەگىز ۇيلەردىڭ قۇلاۋى تەمىر, ياكي وتتى جىلانداردىڭ ەنشىسىندە.
ال مۇنىڭ الدىنداعى سۋ جىلانى 1953 جىلعا ءداپ كەلىپ, تالاي جاقسىلىقتاردىڭ باستاۋى بولعان. سۋ جىلانى, اسىرەسە, ونەر, شىعارماشىلىق ادامدارى ءۇشىن وتە قولايلى سانالادى. مىسالى, سول 1953 جىلى دجەيمس بوند, مەريلين مونرو سياقتى مەگا-جۇلدىزداردىڭ ءداۋىرى جۇرگەنىن ايتپاعاننىڭ وزىندە, بۇل ءتۇرلى-ءتۇستى تەلەديدار پايدا بولعان, العاشقى وسكار سىيلىعى بەرىلگەن, «پلەيبوي» جۋرنالىنىڭ ءبىرىنشى ءنومىرى جارىق كورگەن جىل.
قازىرگى زامانعى فەن-شۋي ءىلىمىنىڭ بىلگىرىنىڭ ءبىرى, ىرگەلى زەرتتەۋلەر جۇرگىزىپ, استرولوگيالىق بولجامدار جاسايتىن رەيموند لونىڭ لەكتسيالارى دا نازار اۋدارۋعا تۇرارلىق.
ول قىتاي كۇنتىزبەسى جاراتىلىسىمىزداعى بەس ەلەمەنتتىڭ ءبىر بىرىمەن ءوزارا ارەكەتىنە قۇرىلاتىندىعىن ايتا وتىرىپ, 2013 جىل – وت پەن سۋدىڭ ەگەسىنەن تۇراتىندىعىن ناقتى تۇسىندىرەدى.
رەيموند لو مىرزانىڭ زەرتتەۋلەرىن قىسقاشا دايەكتەگەندە بىلاي, جاڭا باستالعان جىل ەكونوميكا سالاسىنا قايتا سەرپىن بەرمەك, ويتكەنى, 2008 جىلعى داعدارىستان كەيىن وت ستيحياسى –جىلان ءبىرىنشى رەت ورالىپ تۇر.
الايدا, ول سۋ جىلانى ەكەندىگىن, ال وت پەن سۋ شيەلەنىستە بولاتىندىعىن ەستەن شىعارماعانىمىز ءجون. دەمەك, جىلى اۋا اعىسى سالدارىنان بولعان 1953 جىلعى وڭتۇستىك شىعىس ازياداعى مىڭ ادام ءومىرىن قيىپ كەتكەن الاپات قۇيىندى, وسى جىلى مامىر ايىندا بولعان مەكسيكاداعى جانە ماۋسىم ايىنداعى ميچيگانداعى تورنادونى ەسكە الۋعا تۋرا كەلەدى.
جۇلدىزناماشىلاردىڭ اراسىندا وت پەن سۋ ۇيلەسپەيتىن جۇپ بولعاندىقتان, 2013 جىل مازاسىزداۋ تابيعي قاۋىپ-قاتەرلى بولۋى مۇمكىن دەۋشىلەر دە بار. ولار ساياحاتقا شىققاندا, جول جۇرگەندە, اسىرەسە, اۋەدە جانە سۋ كولىكتەرىندە بارىنشا اباي بولۋعا شاقىرادى. وت پەن سۋدىڭ تەكەتىرەسى سۋ تاسقىنىن, بوران, قۇيىن, جەر سىلكىنىسىن تۋدىرىپ وتىرۋى ءتىپتى عاجاپ ەمەس.
دەگەنمەن, جوعارىدا اتاپ وتكەندەي 2008 جىلعى داعدارىستان كەيىن ورالىپ تۇرعان وت ستيحياسى ەكونوميكانىڭ جاندانۋىنا سەپتەسپەك. سوندىقتان دا ەكونوميكالىق ورلەۋلەر ەندى باستالادى. ەكى جىل قاتارىنا تۇراتىن بۇل ستيحيانىڭ قۋاتىن قۇلشىنىپ ەڭبەك ەتكەندەر جانە ءوز كۇشىنە سۇيەنگەندەر ءسوزسىز سەزىنەدى دەيدى ساۋەگەيلەر. قالاي دەسەك تە, سۋ وتقا ۇستەمدىك قۇراتىندىقتان, سۋداعى يندۋستريا جاقسى قارقىن الاتىنى ايتىلادى. وعان قوسا توقىما, قورشاعان ورتانى قورعاۋ, ماسس-مەديا سالاسى ءوزىن جاقسى سەزىنەتىن كورىنەدى. ەلەكترونيكا, اقپاراتتىق تەحنولوگيالار سالاسى سونى جاڭالىقتارى ءۇشىن ءسۇيىنشى سۇراپ جاتسا تاڭدانۋعا بولمايتىن سياقتى.
شىعىس جورامالى بويىنشا جىلان – دانىشپاندىقتىڭ, ەرىك-جىگەر, كورەگەندىكتىڭ نىشانى. تۇبەگەيلى رەفورمالارعا ارنالعان, كەز كەلگەن ماسەلەنى بەيبىت جولمەن شەشۋگە ارنالعان جاڭا جىلدا ساياسي كوسەمدىك پەن كوشباسشىلار بۇرىنعىدان دا كوبىرەك كەرەكتىگى بايقالماق.
ال شىعىس كۇنتىزبەسى بويىنشا قارا سۋ جىلانى 2013 جىلدىڭ 10 اقپانىندا كىرەدى دە, 2014 جىلدىڭ 31 قاڭتارىنا دەيىن تۇرادى. جۇلدىزجورامالشىلار وسى ارالىقتا قيىلعان نەكەلەردىڭ عۇمىرىن ۇزاق بولاتىندىعىن العا تارتا وتىرىپ, سەزىم ماسەلەسىندە بارىنشا سالماقتى بولۋعا, ايتىلعان ءسوزدى, بەرىلگەن ۋادەنىڭ ءبارىن بەزبەنگە سالىپ, ۇشقارى قادامداردان اۋلاق بولۋعا شاقىرادى.
مانساپ ماسەلەسى مازالايتىندارعا كەلسەك, بيىل عىلىممەن اينالىساتىندار مەن زەرتتەۋشىلەر ءۇشىن ءساتتى جىل بولماق. سول سياقتى, ارتيستەر, جازۋشىلار, مۋزىكانتتار مەن سۋرەتشىلەر, ءتىپتى, وسى سالالاردىڭ ەسىگىن ەندى اشقاندار دا ايلارى وڭىنان تۋىپ تۇرعانىن سەزىنەتىن كورىنەدى.
بىراق, جىلان تابىسقا جەتۋ جولىندا بەلدەن باسۋدى ءتىپتى جاقتىرمايتىن بولعاندىقتان, ادامنىڭ باستى قارۋى جۇمساق ديپلوماتيا, كورەگەندىك پەن ازداعان اقىل-ايلا بولۋى قاجەت. قىسقاسى, يرەلەڭدەگەن جىلان جىلىندا كەز كەلگەن جاعدايعا يكەمدەلگىش جانداردىڭ جولى بولماق.
جۇزدىزناماشىلار ساياساتتا, الەۋمەتتىك ماسەلەلەردى شەشۋدە بولسىن بيلىك باسىنداعىلارعا يكەمدى بولىپ, ءتىل تابىسۋشىلىققا بەيىم بولۋعا كەڭەس بەرەدى.
اقشانى وڭدى-سولدى جەلگە شاۋدى جاقتىرمايتىن, نەسيە مەن قارىزدان اۋلاق جۇرەتىن «جىلان» ماڭدايتەرمەن كەلگەن تابىستى عانا ەسەلەمەك.
تاعى ءبىر گوروسكوپ 2013 جىلدىڭ جازى – اپتاپ, قىسى – ايازدى بولاتىندىعىن دايەكتەپتى. استرولوگتاردىڭ كەلەسى توبى بيىل جۇرەك-قان تامىرلارى, بۇيرەك اۋرۋلارىنان اباي بولۋعا جانە كوز اۋرۋلارىنان بارىنشا ساق بولۋعا شاقىرادى.
ەڭ باستىسى مازاسىز جىلدا بارىنشا سابىرلى, جەتى رەت «ءولشەپ» بارىپ, ءبىر رەت قانا «كەسەتىن» پاراساتتان ايىرىلماعان ءلازىم.
دايىنداعان
ايناش ەسالي,
«ەگەمەن قازاقستان».
الماتى.
