مەملەكەت باسشىسىنا مەتالدى مىرىش, تازارتىلعان قورعاسىن, التىن مەن كۇمىس, كاتودتى مىس سياقتى شىعارىلاتىن ونىمدەردىڭ ءتىزىمى ۇسىنىلدى. زاۋىتتىڭ وندىرىستىك قۋاتى جىلىنا 305 مىڭ توننا مىرىش, 168 مىڭ توننا قورعاسىن, 70 مىڭ توننا مىس, 47 توننا التىن جانە 1440 توننا كۇمىس وندىرۋگە قاۋقارلى.
قاسىم-جومارت توقاەۆ ەڭبەك ۇجىمىمەن اڭگىمەلەسۋ بارىسىندا «قازتسينك» جاۋاپكەرشىلىگى شەكتەۋلى سەرىكتەستىگىنىڭ قازاقستان ءتۇستى مەتاللۋرگياسىنىڭ فلاگمانى جانە ءىرى ەكسپورتتاۋشىسى ەكەنىن اتاپ ءوتتى.
– سىزدەردىڭ كاسىپورىندارىڭىز وسكەمەن مەن بۇكىل شىعىس قازاقستان وبلىسىنىڭ بيۋدجەتىن قالىپتاستىرۋعا جانە الەۋمەتتىك سالاسىن دامىتۋعا زور ۇلەس قوسىپ كەلەدى. «قازتسينك» ءوز جۇمىسشىلارىنا كومەكتەسىپ قانا قويماي, سونداي-اق, قوعام ءۇشىن ماڭىزدى جوبالاردى جۇزەگە اسىرۋعا اتسالىسادى. بۇل – بيزنەستىڭ جوعارى الەۋمەتتىك جاۋاپكەرشىلىگىنىڭ جانە ءوڭىردىڭ بارلىق تۇرعىندارى ءۇشىن قولايلى ورتا قالىپتاستىرۋعا دەگەن نيەتىنىڭ دالەلى, – دەدى قازاقستان پرەزيدەنتى.
كەزدەسۋ سوڭىندا مەملەكەت باسشىسى «قازتسينك» جاۋاپكەرشىلىگى شەكتەۋلى سەرىكتەستىگىنىڭ ەڭبەك ۇجىمىنا باق-بەرەكە جانە تابىس تىلەدى.
