ايماقتار • 26 ءساۋىر، 2019

قاراعاندىدا «Social Trust الەۋمەتتىك كاسىپكەرلىك مەكتەبى» سەمينار وتكىزدى

922 رەت كورسەتىلدى

كەنشىلەر استاناسىنداعى «دوستىق ۇيىندە» قاراعاندى وبلىستىق قازاقستان حالقى اسسامبلەياسىنىڭ ۇيىمداستىرۋىمەن «Social Trust الەۋمەتتىك كاسىپكەرلىك مەكتەبى» (ST اكم) الەۋمەتتىك كاسىپكەرلەر ءۇشىن ءۇش كۇندىك سەمينار وتكىزدى.

ءبىلىم بەرۋ جوباسى ءوڭىردىڭ الەۋمەتتىك وزەكتى ماسەلەلەرىن شەشۋگە باعىتتالعان الەۋمەتتىك جوبالاردى جۇزەگە اسىرۋعا، بيزنەس نەگىزدەرىن ۇيرەنۋگە، جەكە بيزنەس اشىپ، كاسىپكەرلىك داعدىلارىن دامىتۋعا جانە يننوۆاتسيالىق يدەيالاردى ىسكە اسىرۋعا تالپىنعان بولاشاق كاسىپكەرلەرگە پراكتيكالىق تۇردە كومەك كورسەتىپ، كەڭەس بەرۋدى ماقسات ەتتى.

سەمينار بارىسىندا قاتىسۋشىلار الەۋمەتتىك كاسىپكەرلىكتىڭ نەگىزى جانە قوعامنىڭ وسال توپتارىن جۇمىسپەن قامتۋ جايىندا تەوريالىق جانە پراكتيكالىق  ءبىلىم الدى.

سەمينار بارىسىندا بولاشاق الەۋمەتتىك كاسىپكەرلەر قازاقستانداعى الەۋمەتتىك كاسىپكەرلىكتى قولدايتىن نۇر-سۇلتان جانە قاراعاندى قالالارىنىڭ تاجىريبەلى الەۋمەتتىك كاسىپكەرلەرىمەن جانە ۇيىمدارىمەن بىرگە پلەنارلىق تۇساۋكەسەرگە، پىكىرتالاستارعا جانە نەتۆوركينگكە قاتىستى.
سەمينار قاتىسۋشىلارى ءارتۇرلى جاستاعى جانە الەۋمەتتىك توپتاعى قىرىققا  جۋىق تىڭدارمان بولدى. ىرىكتەۋ ونلاين-ساۋالناما ارقىلى جۇرگىزىلدى. ىرىكتەۋ بارىسىندا قاتىسۋشىلاردىڭ  قوعامنىڭ وزەكتى ماسەلەلەرىن شەشۋ ءۇشىن الەۋمەتتىك جوبا قۇرۋ مۇددەسى نەگىزگە الىندى.

«Green TAL» الەۋمەتتىك شەبەرحاناسىنىڭ نەگىزىن قالاۋشى جانە ST اكم ترەنەرى ەمين اسكەروۆ قاتىسۋشىلاردىڭ وزدەرىنىڭ الەۋمەتتىك جوبالارىن باستاۋ ءۇشىن قاجەتتى ءبىلىم العانىن اتاپ ءوتتى.

– سەمينار بارىسىندا ولار كاسىپكەرلىكتىڭ تەوريالىق جانە پراكتيكالىق نەگىزدەرىن ءوتتى، بيزنەس-جوسپارلاۋ مەن وندىرىستىك شەبەرحانالاردى اشۋ بويىنشا دايىندىقتان ءوتتى. بۇل جوبا ازاماتتار ءۇشىن  يدەيالارىن بىرىكتىرۋگە جانە دامىتۋعا مۇمكىندىك بەردى، – دەدى ە.اسكەروۆ.

ءۇش كۇندىك سەميناردا الەۋمەتتىك كاسىپكەرلىك سالاسىنداعى ماشىقتارى مەن بىلىمدەرىن جەتىلدىرگەن بولاشاق كاسىپكەرلەر وزدەرىنىڭ جەكە الەۋمەتتىك ۇيىمدارىن اشۋعا جانە ولاردى دامىتۋعا دايىن ەكەندىكتەرىن كورسەتتى.

سەمينار قورىتىندىسى بويىنشا قاتىسۋشىلارعا ارنايى سەرتيفيكاتتار تاپسىرىلدى.



قاراعاندى وبلىسى



سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار