بۇگىن الماتىدا قازاقستان رەۆماتولوگتارىنىڭ II كونگرەسى ءوز جۇمىسىن باستادى. اسقار شاكەن ۇلى سەيسەنباەۆتىڭ قۇرمەتىنە ارنالعان كونگرەسكە قازاقستاننىڭ بارلىق ايماقتاردان 500-دەن اسا دارىگەر قاتىسىپ وتىر. سونداي-اق جيىنعا رەسەي، بەلارۋس، قىرعىزستان، ۋكراينا، وڭتۇستىك كورەيادا ماماندارى دا كەلدى.
بۇل فورۋم رەۆماتولوگتارعا عانا ەمەس، سونىمەن بىرگە، ىشكى ورگانداردى ەمدەيتىن تەراپەۆتتەر ءۇشىن دە اسا قىزىقتى. ءبىرىنشى كەزەكتە، دياگنوستيكا ساپاسى تالقىلانادى، دياگنوستيكادان باستاپ وڭالتۋعا دەيىنگى كەزەڭدە اۋرۋدىڭ ءارتۇرلى ساتىسىندا اكۋشەر-گينەكولوگ، ماممولوگ جانە ونكولوگتاردىڭ ءوزارا ارەكەتتەسۋ ماسەلەسى قاراستىرىلادى. وستەوپوروز جانە D دارۋمەنىنىڭ جەتىسپەۋشىلىگى ماسەلەلەرى كوتەرىلمەك. بۇل كونگرەسس قازاقستاننىڭ دەنساۋلىق ساقتاۋ سالاسىنا زاماناۋي دياگنوستيكا ادىستەرىن ەندىرۋگە ارنالعان.
مىنبەردەن ءسوز العان سپيكەرلەر قاتارىندا قازاق رەۆماتولوگتار القاسىنىڭ توراعاسى، پروفەسسور ع.توعىزباەۆ، س.اسفەندياروۆ اتىنداعى ۇلتتىق مەديتسينالىق ۋنيۆەرسيتەتىنىڭ رەكتورى، پروفەسسور ت. نۇرعوجين، رەسەي رەۆماتولوگتار قاۋىمداستىعىنىڭ ۆيتسە-پرەزيدەنتى، اكادەميك ۆ.مازۋروۆ (سانكت-پەتەربۋرگ)، سەۋلدىك جەتەكشى عالىمدار Dohsik Minn (Do-CiC Mihn)، Nackmoon Sung پەن Min Heesuk بار.
كورەيالىق دارىگەرلەر جيىندا رەۆماتيزم اۋرۋلارى مەن ج ۇلىن يممۋنولوگياسىن زەرتحانالىق ادىسپەن باعالاۋ، يننوۆاتسيالىق تەحنولوگيالار كومەگىمەن مولەكۋليارلىق دياگنوستيكا جۇرگىزۋ جانە اۋتويممۋندىق رەۆماتيزم كەزىندەگى جۇرەك-قانتامىر اۋرۋلارى اسقىنۋىنىڭ الدىن الۋ ماسەلەلەرىن كوتەرىپ وتىر. قازاق رەۆماتولوگتار القاسىنىڭ توراعاسى ع.توعىزباەۆ قازاقستان رەۆماتولوگيا سالاسىنا جاڭا تەحنولوگيالاردى تارتۋدىڭ كەلەشەگى تۋرالى ءسوز قوزعادى.
كونگرەسس باعدارلاماسى عىلىمي سەسسيالارعا، پلەنارلىق ماجىلىستەر مەن سيمپوزيۋمدارعا تولى ءارى مازمۇندى تۇردە وتۋدە. ەكى كۇن بويى قاتىسۋشىلار رەۆماتولوگيانىڭ وزەكتى تەوريالىق جانە كلينيكالىق ماسەلەلەرىن، رەۆماتيزمدىك اۋرۋلاردى (رەۆماتويدتى ارتريت، سپونديلوارتريت، اۋتوقابىنۋشى اۋرۋلار، قىزىل جەگى، جۇيەلى سكلەروز، جۇيەلى ۆاسكۋليت، وستەوارتروز، وستەوپوروز) دياگنوستيكالاۋ جانە ەمدەۋگە ارنالعان زاماناۋي كلينيكالىق ۇسىنىمداردى، رەۆماتولوگيا سالاسىنداعى تۇبەگەيلى جاڭا زەرتتەۋ باعىتتارىن، قازاقستاندا رەۆماتولوگيا قىزمەتىن دامىتۋ جانە جەتىلدىرۋ كەلەشەگىن ورتاعا سالماق.
قازىرگى تاڭدا رەۆماتيزم دەرتى كارديولوگيالىق اۋرۋلار مەن ونكولوگيادان كەيىن مۇگەدەكتىككە شالدىقتىرۋ جاعىنا ءۇشىنشى ورىندا تۇر. رەۆماتيزم اۋرۋىنا شالدىققان ناۋقاستاردىڭ 72%-ى ەڭبەككە جارامدى 18-59 جاس ارالىعىنداعى ازاماتتار بولىپ تابىلادى. اۋرۋعا شالدىققانداردىڭ 65%-ىن ايەلدەر قۇرايدى.
كونگرەستى قازاق رەۆماتولوگتار القاسى قر دەنساۋلىق ساقتاۋ مينيسترلىگىنىڭ قولداۋىنا سۇيەنە وتىرىپ، «ۇلتتىق مەديتسينا ۋنيۆەرسيتەتى» اق بىرلەسىپ ۇيىمداستىرىپ وتىر.
ءبيبىسارا اساۋباەۆا ءۇندىستاندا ءتورتىنشى رەت جەڭىسكە جەتتى
شاحمات • بۇگىن، 12:14
كوروناۆيرۋسقا شالدىققان 2 ادامنىڭ جاعدايى اۋىر
كوروناۆيرۋس • بۇگىن، 11:54
شۆەيتساريادا ەكى پويىزدىڭ ۆاگوندارى رەلستەن شىعىپ كەتكەن
الەم • بۇگىن، 11:40
دونالد ترامپقا قارسى قىلمىستىق ءىس قوزعالدى
الەم • بۇگىن، 11:10
الماتىدا اۋا ساپاسى ناشارلايدى
اۋا رايى • بۇگىن، 10:41
1 ساۋىرگە ارنالعان اۋا رايى بولجامى
اۋا رايى • بۇگىن، 10:05
ۇقساس جاڭالىقتار
