«قازاقستان استاناسىندا اتاۋلى الەۋمەتتىك كومەك (ااك) الۋشىلاردىڭ شوتتارىنا تولەمدەر وسى جىلدىڭ 26 ساۋىرىنەن 4 مامىرىنا دەيىن تۇسىرۋ جوسپارلانىپ وتىر», – دەدى جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ساۋلە نۇرعوجينا.
1 ساۋىردەن باستاپ ااك تاعايىنداۋ ءۇشىن 9 725 وتباسى ءوتىنىم بەرگەن, ونىڭ 2 483-ىنە اتاۋلى الەۋمەتتىك كومەك تاعايىنداۋ ءۇشىن قابىلدانعان, 2417-ى وتىنىش اۋداندىق وكرۋگتىك كوميسسيالارعا جولداندى, 1 909 وتباسىعا قاتىستى اۋداندىق كوميسسيالار وڭ شەشىم قابىلدادى.
تۇتاستاي العاندا, جاڭا فورماتتاعى ااك-پەن 2500 وتباسىن (11 مىڭنان استام ادام) قامتۋ جوسپارلانۋدا.
نۇر-سۇلتان قالاسىنداعى ااك-ءتى الاتىن وتباسىلاردىڭ ءار بالاسىنا (18 جاسقا تولماعان بالالارعا) 21 572 تەڭگە سوماسىندا كەپىلدىك تولەم نەمەسە كۇنكورىس مينيمۋمىنىڭ 70% -ى تولەنەدى.
وتباسىنىڭ ەرەسەك ادامدارى ءۇشىن Aاك مولشەرى جان باسىنا شاققانداعى تابىس پەن كەدەيلىك شەگى اراسىنداعى (21 572 تەڭگە) ايىرماشىلىق رەتىندە ەسەپتەلەدى. وسى جىلدىڭ 26 ساۋىرىنەن باستاپ 4 مامىرىنا دەيىن الۋشىلاردىڭ شوتتارىنا تولەمدەر جۇزەگە اسىرىلادى دەپ جوسپارلانۋدا.
ەسكە سالايىق, 1 ساۋىردەن باستاپ, اتاۋلى الەۋمەتتىك كومەكتى الۋ ءتارتىبى جەڭىلدەتىلدى. ال اتاۋلى الەۋمەتتىك كومەك كورسەتۋ كريتەريىنىڭ مولشەرى كۇنكورىستىڭ ەڭ تومەنگى دەڭگەيىنىڭ 50-دەن 70% -عا دەيىن ارتتى.
ااك بويىنشا كەڭەستى E-حالىقتىڭ دەرەكتەر بازاسىندا وقىعان حقكو-ى ماماندارىنان, سونىمەن قاتار اۋداندىق اكىمدىكتەردە دە الۋعا بولادى.
2018 جىلدان كەلە جاتقان مالىمەتتەردى ەسكەرىلە وتىرىپ, 481 وتباسىعا, 2 915 ادام ااك شارتتى اقشالاي جاردەم 1 ساۋىرگە دەيىن تولەندى. 2019 جىلدىڭ 1 ساۋىرىنە دەيىن جوسپارلانعان 363 شارتتى اقشالاي كومەك الۋشىعا, 2019 جىلدىڭ 1 ساۋىردەن باستاپ الەۋمەتتىك كەلىسىمشارتتىڭ اياقتالۋىنا دەيىن شارتتى اقشالاي جاردەماقىلار سوماسى قايتا ەسەپتەلدى.
ااك تاعايىنداۋ كەزىندە ءتورت نەمەسە ودان دا كوپ كامەلەتكە تولماعان بالالارى بار كوپبالالى وتباسىلارعا تاعايىندالىپ,تولەنەتىن ارنايى مەملەكەتتىك جاردەماقىلار, «التىن القامەن», «كۇمىس القامەن» ماراپاتتالعان كوپبالالى انالارعا تاعايىندالىپ تولەنەتىن اي سايىنعى مەملەكەتتىك جاردەماقى, نەمەسە بۇعان دەيىن بۇرىن «باتىر انا» اتاعىن العان, ءى جانە ءىى دارەجەلى «انا داڭقى» وردەندەرىمەن ماراپاتتالعان انالارعا تاعايىندالىپ, تولەنەتىن اي سايىنعى مەملەكەتتىك جاردەماقى, مۇگەدەكتىگى بويىنشا بالاعا تاعايىندالاتىن جاردەماقى, ستيپەنديا, جەرگىلىكتى بيۋدجەتتەن تولەنەتىن بىرجولعى تولەمدەر ەسەپكە الىنبايدى.
اكىمدىكتىڭ حابارلاۋىنشا, 1 ساۋىردەن باستاپ ااك الۋ جەڭىلدەتىلگەن. ول ءۇشىن تەك ااك تاعايىنداۋ تۋرالى ءوتىنىش پەن جەكە باستى كۋالاندىراتىن قۇجات كەرەك ء(اربىر وتباسى مۇشەسىنىڭ), ال قالعان اقپاراتتاردى ە-حالىق دەرەكقورىنان الۋعا بولادى.
سونىمەن قاتار, اتاۋلى الەۋمەتتىك كومەكتىڭ الەۋەتتى الۋشىلارى ءۇشىن «جەدەل جەلى» جۇمىس ىستەيدى. 111 بىرىڭعاي بايلانىس ورتالىعىنىڭ تەگىن نومىرىنە قالالىق تەلەفون ارقىلى دا, Smart Astana ءموبيلدى قوسىمشاسى ارقىلى دا قوڭىراۋ شالۋعا بولادى.
اتاۋلى الەۋمەتتىك كومەك (Aاك) – تۇرمىسى تومەن وتباسىلارعا, سونىڭ ىشىندە كوپبالالى وتباسىلارعا, جان باسىنا شاققانداعى تابىسى كەدەيلىك شەگىنەن اسپايتىن ادامدارعا نەمەسە وتباسىلارعا بەرىلەتىن اقشالاي جاردەماقى. نۇر-سۇلتان قالاسىندا 2019 جىلدىڭ ءى توقسانىنداعى ەڭ تومەنگى كۇنكورىس دەڭگەيى 30 817 تەڭگەنى, 2019 جىلدىڭ ءىى توقسانىنداعى كەدەيشىلىك شەگى 21 572 تەڭگەنى قۇرادى.
