شاراعا قازاقستاننىڭ ۇلتتىق جانە جەكەمەنشىك كومپانيالارىنىڭ توپ-مەنەدجەرلەرى, قىتاي بيزنەسىنىڭ وكىلدەرى, قىتايداعى ءىرى مەملەكەتتىك كورپوراتسيالاردىڭ باسشىلارى قاتىستى.
دوڭگەلەك ۇستەلدىڭ سالتاناتتى اشىلۋىندا ءسوز العان قوردىڭ باسقارما توراعاسى احمەتجان ەسىموۆ حالىقارالىق كومپانيالاردى ءوزارا ءتيىمدى ىنتىماقتاستىقتى جانداندىرۋعا شاقىردى.
«قوردىڭ جاڭا دامۋ ستراتەگياسى اياسىندا ءبىز قازاقستانداعى جوبالارعا بەلسەندى تۇردە ينۆەستيتسيا قۇيامىز. قور پورتفەلىن ءارتاراپتاندىرۋ ماقساتىندا «سامۇرىق-قازىنا» وزگە تاۋەلسىز قورلارمەن جانە ينۆەستورلار كونسوتسيۋمىمەن ستراتەگيالىق سەرىكتەستىككە كىرۋ مۇمكىندىگىن قاراستىرىپ جاتىر. قازاقستان مەن قىتاي حالىق رەسپۋبليكاسى ارا-قاتىناسىنىڭ بارلىق سالالارىندا كورشىلىك تاتۋلىق ورناعان. ەكى مەملەكەت باسشىسىنىڭ ستراتەگيالىق كوزقاراستارىنا سۇيەنە وتىرىپ ءبىز ەكىجاقتى قارىم-قاتىناستى دامىتىپ كەلەمىز», دەدى احمەتجان ەسىموۆ.
ءىس-شارا بارىسىندا قور مەن ونىڭ كومپانيالارى قىتايلىق سەرىكتەستەرىمەن بىرقاتار كەلىسىمدەرگە قول قويدى. اتاپ ايتقاندا, «سامۇرىق-قازىنا» اق مەن قىتايدىڭ ەۋرازيالىق ەكونوميكالىق ىنتىماقتاستىق قورى اراسىندا ينۆەستيتسيالار سالاسىنداعى ىنتىماقتاستىق تۋرالى كەلىسىمگە قول قويىلدى. كەلىسىم جوبالارعا ينۆەستيتسيا قۇيۋ مۇمكىندىگىن بىرلەسىپ قاراستىرۋعا مۇمكىندىك بەرەدى.
سونىمەن قاتار, «سامۇرىق-قازىنا» اق-نىڭ «Eurasian Nurly Investment Fund» قورىنا پوتەنتسيالدى ينۆەستور رەتىندە قاتىسۋ نيەتىنە بايلانىستى مەموراندۋمعا قول قويدى. جاڭا قوردىڭ سەرىكتەستەرى - «سITIC Group», Baiterek Holding, Asian Investment Finance Group جانە «سامۇرىق-قازىنا» اق. «Eurasian Nurly Investment Fund»
500 ملن. اقش دوللارىن تارتۋدى جوسپارلاپ وتىر. شەتەلدىك ينۆەستيتسيالاردىڭ پروپورتسياسى 1:8-ءدى قۇرايدى, ياعني قازاقستان رەسپۋبليكاسى قۇيعان 1 دوللارعا 8 دوللاردان استام شەتەلدىك ينۆەستيتسيا تارتىلادى.
بۇدان باسقا, «بىرىككەن حيميالىق كومپانيا» جشس جانە «Huajin Group» اراسىندا مينەرالدى تىڭايتقىشتاردى ءوندىرۋ جوباسىنىڭ تەحنيكالىق-ەكونوميكالىق نەگىزدەمەسىن بىرلەسىپ ازىرلەۋ تۋرالى كەلىسىمگە قول قويىلدى. جوبادا قىتايدىڭ ستراتەگيالىق قىتايلىق ينۆەستورى Huajin Group (NORINCO) قاتىسۋىمەن قازاقستاندا قۋاتى 800 مىڭ توننا بولاتىن زاۋىتتىڭ قۇرىلىسى قاراستىرىلعان. الدىن-الا ەسەپ بويىنشا جوبانىڭ قۇنى 600 ملن. اقش دوللارىن قۇرايدى. بۇل جوبا قىتايدىڭ جانە ەۋروپالىق وداقتىڭ نارىقتارىنداعى قازاقستاننىڭ ەكسپورتتىق الەۋەتىن كەڭەيتەدى. جوبانى ىسكە اسىرۋ 2020 جىلدان 2023 جىلعا دەيىن جوسپارلانىپ وتىر.
كەزدەسۋ سوڭىندا احمەتجان ەسىموۆ دوڭگەلەك ۇستەل قاتىسۋشىلارىنا جەكەشەلەندىرۋ باعدارلاماسى بويىنشا قوردىڭ باستامالارىن ۇسىندى, پورتفەلدى ءارتاراپتاندىرۋ جانە ەلگە ينۆەستيتسيا قۇيۋ ءۇشىن قولايلى جاعداي جاساۋ ماقساتىندا ەلدەگى بەلسەندى ينۆەستيتسيالىق ارەكەتتەر جوسپارىن جاريالادى.
