ايماقتار • 25 ءساۋىر، 2019

شىمكەنتتىك ساقشىلار جاس قىزدى قۇتقارىپ قالدى

692 رەت كورسەتىلدى

شىمكەنتتىك پوليتسەيلەر وزەنگە سەكىرىپ ولمەكشى بولعان جاس قىزدى اجالدان الىپ قالدى. بۇل وقيعا ءتارتىپ ساقشىلارىنىڭ شاردارا قالاسىنداعى وقۋ-جاتتىعۋ كەزىندە بولعان.

جەرگىلىكتى تۇرعىندار جاس قىزدىڭ جاردان سۋعا سەكىرگەلى تۇرعانىن كورىپ، كەزەكشى بولىمگە حابار بەرەدى. مۇنى ەستىگەن شىمكەنت قالاسى جانە تۇركىستان وبلىسىنىڭ مامانداندىرىلعان كۇزەت قىزمەتى باسقارماسىنىڭ ەرەكشە تاپسىرما بويىنشا اعا ينسپەكتورى كەڭەس ەرىمبەتوۆ پەن ارىپتەسى ءابدىراشيت سەرجان شاردارا سۋ قويماسىندا قىزدىڭ اعىپ بارا جاتقانىن كورىپ، دەرەۋ سۋعا قويىپ كەتكەن. بۇل تۋرالى شىمكەنت قالالىق پوليتسيا دەپارتامەنتىنىڭ ءباسپاسوز قىزمەتى حابارلايدى.

«سۋ قويماسىنا جۇگىرىپ بارىپ، ارىپتەسىم ەكەۋمىز سۋعا ءتۇسىپ، قىزدى جاعاعا الىپ شىقتىق. سول كەزدە بەكەتتەگى پوليتسيا قىزمەتكەرلەرى شاقىرعان مەديتسينا قىزمەتكەرلەرى مەن قۇتقارۋشىلار دا كەلدى. ول ماماندار قىزعا العاشقى كومەك كورسەتتى»،  دەيدى پوليتسيا كاپيتانى كەڭەس ەرىمبەتوۆ.

جاس قىز شاردارا اۋدانىنىڭ تۇرعىنى بولىپ شىقتى. قازىرگى تاڭدا ءتارتىپ ساقشىلارى ومىردەن كۇدەر ۇزگەن جانعا پسيحولوگيالىق قولداۋ كورسەتىپ، ومىرگە قۇشتار بولۋعا ىنتالاندىرعان.

سوڭعى جاڭالىقتار

مۇحتار مەن قايىم

قازاقستان • كەشە

ەلدە قىلمىس ازايعان

قوعام • كەشە

اقاڭ جانە قازاق راديوcى

احمەت بايتۇرسىن ۇلى • كەشە

رۋحتى جىردىڭ يەسى

ادەبيەت • كەشە

ۇقساس جاڭالىقتار