ايەلدەر اراسىندا ەڭ تانىمال ماماندىقتار – شاشتاراز بەن تىگىنشى كۋرستارى, ال ەرلەر اراسىندا - ەلەكتريك, دانەكەرلەۋشى, كران جۇرگىزۋشىسى, سانتەحنيك.
ەگەر 2016 جىلى باعدارلاما بويىنشا 223 ادام وقىتىلسا, 2019 جىلى بۇل كورسەتكىش 913 ادامدى قۇرايدى. 2018 جىلدىڭ قورىتىندىسى بويىنشا وقىپ شىققانداردىڭ 70% -ى نەمەسە 512 ادام جۇمىسقا ورنالاسقان.
«ەگەر ءبىزدىڭ ۇمىتكەرىمىزدىڭ ءبىلىمى جوق بولسا نەمەسە بىلىكتىلىگى تومەن بولسا, ءبىز وعان ۋاقىتشا جۇمىستى نەمەسە ونىڭ سۇرانىسقا يە ماماندىقتى الۋى ءۇشىن وقىتۋدى ۇسىنامىز. وقۋدان كەيىن وعان جۇمىسقا ورنالاسۋعا كومەكتەسەمىز», – دەيدى.
جۇمىسپەن قامتۋ ورتالىعىنىڭ كاسىپتىك ءبىلىم بەرۋ ءبولىمىنىڭ باسشىسى ازامات بايتاسوۆ. جۇمىسپەن قامتۋ ورتالىعىندا جۇمىسى جوق رەتىندە تىركەلەتىن ەلوردالىق تۇرعىن وقىتۋدان ءوتۋ جونىندە شەشىم قابىلداسا, وعان ەڭبەك نارىعىنداعى سۇرانىسقا يە 15 ماماندىقتىڭ ءتىزىمى ۇسىنىلادى. تاڭدالعان ماماندىق بويىنشا وقىتۋ وقۋ ورتالىعىندا نەمەسە جۇمىس بەرۋشىنىڭ كاسىپتىك ءبىلىم بەرۋ مەكەمەسىندە ءبىر ايدان ءۇش ايعا دەيىنگى مەرزىمدى قامتيدى.
تاجىريبە كورسەتكەندەي, وقۋعا ءۇش اي جەتكىلىكتى. وقۋ كەزىندە ستيپەنديا تۇرىندە تولەنەتىن قارجىلىق كومەك ايىنا 16 759 تەڭگەنى قۇرايدى», – دەپ ءتۇسىندىردى ول.
ول سونداي-اق, توپتارداعى ورىنداردىڭ شەكتەۋلى ەكەنىن ايتتى. ەگەر تاڭدالعان ماماندىق بويىنشا ورىن جوق بولسا, وندا جۇمىسسىزدارعا باسقا ماماندىقتى تاڭداۋعا نەمەسە ولاردى رەزەرۆكە قوسۋ ۇسىنىلادى.
«وقۋدان كەيىن ءبىزدىڭ تۇلەكتەرگە مەملەكەتتىك بىلىكتىلىك تۋرالى كۋالىك بەرىلەدى. سودان كەيىن تۇلەكتەردىڭ جۇمىسقا ورنالاسۋ نەمەسە ءوز ءىسىن باستاۋ مۇمكىندىگى بار بولادى. ەگەر ول سوڭعى نۇسقانى تاڭداسا, ءبىز ونى مەملەكەتتىك گرانتتار باعدارلاماسىنا قاتىسۋعا شاقىرامىز. وسىلايشا, كۋرستى وقىپ شىققان ادام 100 اەك كولەمىندە 252,5 مىڭ تەڭگە سوماسىندا گرانتقا ءوتىنىش بەرە الادى. بۇل قاجەتتى جابدىقتار مەن قۇرالداردى ساتىپ الۋ ءۇشىن باستاپقى كاپيتال», – دەدى بايتاسوۆ.
2018 جىلدىڭ قورىتىندىسى بويىنشا وقىتۋدان وتكەن 733 ادامنىڭ, 95-ى گرانت الۋعا نيەت ءبىلدىردى, ال 77 ادام بيزنەس جوسپارىن قورعاپ شىعىپ, گرانت الدى.
