- 21 ءساۋىر كۇنى الماتى قالاسىندا جىلدىڭ ەڭ ءدۇبىرلى دودالارىنىڭ ءبىرى - دزيۋدو كۇرەسىنەن جاستار مەن جاسوسپىرىمدەر اراسىنداعى قازاقستان رەسپۋبليكاسىنىڭ دزيۋدو فەدەراتسياسىنىڭ قۇرمەتتى پرەزيدەنتى بەكەتوۆ ماxمۇت مىرزاعا ارنالعان ازيا كۋبوگىن ءساتتى وتكىزدىك.
سايىستىڭ ءبىرىنشى كۇنىندە 6 مەملەكەتتەن 224 ءجاسوسپىرىم قاتىسسا, ەكىنشى كۇنى 186 جاس سپورتشى باعىن سىنادى. جارىستىڭ قورىتىندىسى بويىنشا قر جاسوسپىرىمدەر ۇلتتىق قۇراماسى 11 التىن, 10 كۇمىس جانە 20 قولا ۇتسا, جاستار قۇراماسى 14 سالماق دارەجەسىندە 8 التىن, 8 كۇمىس جانە 16 قولا جۇلدەلەرمەن قورجىنىمىزدى تولتىردى.
وسىلايشا جالپى كوماندالىق ەسەپپەن قىرعىزستان مەن وزبەكستاننان وزا ءتۇسىپ, 1 ورىنعا يە بولدىق.
كەز كەلگەن جارىستىڭ ءاربىر سپورتشىعا تيگىزەر اسەرى بولادى. اسىرەسە xالىقارالىق جارىستاردىڭ اۋقىمى دا, ساپاسى دا, ماڭىزدىلىعى دا جوعارى دارەجەلى, سونىمەن قاتار ەلىمىزدىڭ نامىسىن قورعايتىن جارىس بولعان سوڭ, وعان قاتىسار سپورتشىنىڭ دايىندىعى دا سول دەڭگەيگە سايكەس بولۋى قاجەت. سوندىقتان دايىندىق مۇنداي جارىستارعا وتە قارقىندى تۇردە وتكىزىلەدى. حالىقارالىق جارىستاردىڭ ماڭىزدىلىعى - ءاربىر سپورتشى ءوزىن ەلىنىڭ الدىندا تۋىن كوككە كوتەرەتىن ازاماتى رەتىندە سەزىنىپ, سول ماقساتقا جەتۋ ءۇشىن بارىن سالاتىنىندا دەپ بىلەمىن.
سونداي-اق قر تۇڭعىش پرەزيدەنتى ن.ءا. نازارباەۆتىڭ 2019 جىلدى "جاستار جىلى" دەپ جاريالاۋىنا وراي, جاستار اراسىندا وتكىزىلەتىن ءىس-شارالار (تۋرنيرلەر) سيمۆولدىق سيپاتقا يە بولىپ وتىر. سوندىقتان بيىلعى جاستار اراسىنداعى جارىستاردىڭ ماڭىزدىلىعى ەرەكشە دەپ ويلايمىن.
جارىسىمىزعا كەلەر بولساق, قاتىسۋشىلار اراسىندا بۇعان دەيىن وسىنداي جارىستارعا قاتىسىپ, قاتىسپاعانى دا بار. بىرەۋ ءۇشىن العاشقى, بىرەۋ ءۇشىن كەزەكتى جەڭىس بولدى. جاستار مەن جاسوپىرىمدەر ءۇشىن مۇنداي جارىسقا قاتىسىپ, ودان ورىن الۋدىڭ ءوزى ءبىز ءۇشىن ماقتانىش قوي.
بۇل جارىستىڭ تاعى ءبىر ماڭىزدىلىعى - قىركۇيەكتىڭ 25 مەن 29 ارالىعىندا الماتى قالاسىندا وتەتىن جاسوسپىرىمدەر اراسىنداعى الەم چەمپيوناتىنا دايىندىق بولىپ تابىلۋىندا. بۇل ولاردىڭ xالىقارالىق ارەنادا باسقان جەمىستى قادامدارىنىڭ ءبىرى جانە بۇل تەك قانا باستامامىز. شەتەلدەن كەلگەن سپورتشىلاردىڭ دايىندىعى جامان ەمەس. بويلارىنان ەرەكشە جەڭىسكە دەگەن ءۇمىت پەن ۇمتىلىس بايقالدى. جاقسى دايىندىقپەن كەلگەندەرى دە كورىنىپ تۇر. الايدا بۇل سايىس بولعان سوڭ, ءاربىرى ءوزىنىڭ دايىندىعىنىڭ ساپاسىن سول جارىستا كورسەتىپ, دالەلدى.
بۇل جارىستى IJF كۇنتىزبەسىنە بارلىق سۇراقتاردى ساراپتاي وتىرىپ, جاستار مەن جاسوپىرىمدەر ءۇشىن ماڭىزدىلىعى جوعارى جارىستاردىڭ ءبىرى بولعان سوڭ فەدەراتسيا ەنگىزۋدى ءجون كوردى. وسى ورايدا, ءىرى ءتۋرنيردى وتكىزۋگە بىلدىرگەن سەنىم ءۇشىن حالىقارالىق دزيۋدو فەدەراتسياسىنا العىسىمىزدى بىلدىرەمىز, - دەيدى ازامات مۇقانوۆ.
